နိုင်ငံအလိုက်ဆယ်ကျော်သက်အရွယ်ယဉ်ကျေးမှုများ

အမေရိကန်နိုင်ငံမှာ အသက် ၁၆နှစ်၊ ၁၈နှစ်၊ ၂၁နှစ်တို့့ဟာ လူတစ်ယောက်ရဲ့ဘဝမှာ အရေးကြီးဆုံးအချိန်အဖြစ် သတ်မှတ်ထားကြပါတယ်။ထိုအသက်အရွယ်တွေမှာ မွေးနေ့အခမ်းအနားကြီးကြီးမားမားတွေမလုပ်ပေးကြပါဘူး။ဘာကြောင့်လဲဆိုရင် အဲ့ဒီအရွယ်မှာ လူလားမြောက်လာပြီး ကိုယ့်အားကိုယ်ကိုးတတ်အောင်ဖြစ်စေချင်ကြလို့ပဲဖြစ်ပါတယ်။

အသက်ဆယ့်ခြောက်နှစ်ကျော်လာတဲ့အချိန်မှာ အိမ်မှထွက်ခွာလာပီး ကိုယ့်ဘာသာကိုယ်ရပ်တည်ပြီး အလုပ်လုပ်တဲ့အပြင် ယာဉ်မောင်းလိုင်စင်တွေလည်းရှိနေကြပါပီ။ ကျောင်းသား၊ကျောင်းသူအများစုဟာ ယာဉ်မောင်းသင်ကြပြီး အချိန်ပိုင်းအလုပ်ကရတဲ့ဝင်ငွေနဲ့သူတို့ရဲ့အသက်ဆယ့်ခြောက်နှစ်ပြည့်မွေးနေ့ပွဲကို ကိုယ်တိုင်ကျင်းပကြပါတယ်။အသက်ဆယ့်ရှစ်နှစ်အရွယ်ရောက်လာရင်တော့ မဲပေးခွင့်တွေ၊ ဆေးလိပ်သောက်ခွင့်တွေပေးထားပါတယ်။ဒါပေမဲ့ အသက်နှစ်ဆယ့်တစ်နှစ် မကျော်မချင်းတော့ နိုက်ကလပ်သွားတာတွေ။အရက်ဝယ်တာတွေ၊လောင်းကစားလုပ်တာတွေကိုတော့ တားမြစ်ထားပါတယ်။ 

လက်တင်နိုင်ငံအများစုမှာတော့ မိန်းကလေးတွေရဲ့အသက်၁၅နှစ်ပြည့်မွေးနေ့ပွဲဟာအလွန်အရေးကြီးပါတယ်။အဲ့ဒီအရွယ်မှာသူမကို အရွယ်ရောက်ပီလို့ သက်မှတ်ကြပါတယ်။ဒီအချိန်မှာ မိသားစုဝင်တွေဟာ သူတို့ရဲ့ ဆယ့်ငါးနှစ်ပြည့်သမီးတွေနဲ့အတူ”Quinceanera”လို့ခေါ်တဲ့ ပွဲလေးတစ်ခုကျင်းပပေးကြပါတယ်။ထိုနေ့မှာမွေးနေ့ရှင်ဟာ သူမရဲ့မိသားစုတွေနဲ့ဘုရားကျောင်းကိုဝတ်ပြုဖို့အတူသွားကြပီး ဒီနောက်မှာတော့အရေးကြီးတဲ့ဧည့်သည်တွေကိုဖိတ်ကြားကာ ပါတီပွဲကျင်းပကြပါတယ်။

ဂျပန်နိုင်ငံမှာတော့ အသက်နှစ်ဆယ်မှာအရွယ်ရောက်ပီလို့ သတ်မှတ်ကြပါတယ်။ဒီအရွယ်မှာ သူတို့ကို မဲပေးခွင့်တွေ၊အရက်သောက်ခွင့်တွေနဲ့ ဆေးလိပ်သောက်ခွင့်တွေကို တရားဝင်သတ်မှတ်ပေးထားပါတယ်။ဂျပန်နိုင်ငံမှာဆိုရင် နှစ်တိုင်း ဇန်နဝါရီလ ရဲ့ဒုတိယအပတ် တနင်္လာနေ့ကို “အရွယ်ရောက်ပီးသူများနေ့”ဟုခေါ်ဆိုကြပြီး တစ်နိုင်ငံလုံးအားလပ်ရက်အဖြစ်သတ်မှတ်ပေးထားပါတယ်။ထိုနေ့ ရောက်ရင် အသက်နှစ်ဆယ်ပြည့်ပီးသူများဟာ သူတို့ရဲ့မိသားစုဝင်တွေနဲ့အတူ ဘိုးဘွားတွေရဲ့အုတ်ဂူကိုသွားရောက်ဂါရဝပြုကြပါတယ်။ အာ့ဒီနောက် နိုင်ငံအကြီးအကဲများနဲ့ သူတို့ကျောင်းရဲ့ကျောင်းသားခေါင်းဆောင်များက ပေးပို့ထားတဲ့ ဆုံးမသြဝါဒများကိုနားထောင်ရပါတယ်။ညဘက်အချိန်မှာတော့ မိသားစုတွေသူငယ်ချင်းတွေနဲ့အတူ မွေးနေ့ပွဲကျင်းပကြပါတယ်္။

Source: Google ( Age Of Adulthood)