မောင်တောမြို့နယ်အတွင်း အကြမ်းဖက်စီးနင်းတိုက်ခိုက်မှုဖြစ်စဉ်တွင် ပါ၀င်သူ ဘင်္ဂါလီငါးဦးဖမ်းဆီးရမိ

ရခိုင်ပြည်နယ်၊ မောင်တောမြို့နယ်အတွင်း တပ်မတော်စစ်ကြောင်းများနှင့် နယ်ခြားစောင့် ရဲတပ်ဖွဲ့ဝင်များသည် အကြမ်းဖက်စီးနင်း တိုက်ခိုက်မှုဖြစ်စဉ်များတွင် ပါ၀င်ပတ်သက်ခဲ့သူများကို ဖော်ထုတ်စစ်ဆေးလျက်ရှိရာ ယနေ့မွန်းတည့် ၁၂ နာရီခန့်တွင် အကြမ်းဖက် စီးနင်းတိုက်ခိုက်မှုဖြစ်စဉ်များတွင် ပါ၀င်ပတ်သက်ခဲ့ပြီး တိမ်းရှောင်နေသော ငါးခူရ(အလယ်ရွာ)နေ အီနု(ဘ)နာဒူဟူဆောင်း ကိုလည်းကောင်း၊ မွန်းလွဲ ၁ နာရီခန့်တွင် ငါးရံ့ချောင်းကျေးရွာနေ ဆွေဒူလာမီ(ဘ)အဗ္ဗဒူလာ၊ မာမွတ်ကာဆင်း(ဘ) ဇော်လာမောက်၊ ရှူဟတ်(ဘ) မူဇင်မေနှင့် ညနေ ၄ နာရီခွဲခန့်တွင် ပဒါးကားကျေးရွာနေ မာမတ်အီဒရစ်(ဘ)အဒူမာလစ် တို့အားလည်းကောင်း စုစုပေါင်းငါးဦး ဖမ်းဆီးရမိခဲ့သည်။

ဖမ်းဆီးရမိသူများ၏ ထွက်ဆိုချက်များအရ ၎င်းတို့သည် ငါးခူရနှင့်ကျီးကန်းပြင် အကြမ်းဖက်စီးနင်း တိုက်ခိုက်မှုဖြစ်စဉ်များတွင် ပါ၀င်ခဲ့ကြောင်း၊ အကြမ်းဖက်စီးနင်း တိုက်ခိုက်မှုများပြုလုပ်ရန် ငွေကြေးထောက်ပံ့ ၍ လူအင်အားစုဆောင်းပေးခဲ့သူများဖြစ်ကြောင်းနှင့် အကြမ်းဖက်မှုဖြစ်စဉ်များ ဖြစ်ပွားပြီးနောက် တိမ်းရှောင် နေရာမှ ၎င်းတို့၏ ကျေးရွာများသို့ ပြန်လည်ဝင်ရောက်နေထိုင်စဉ် ဖမ်းဆီးခံရခြင်းဖြစ်ကြောင်း ဖော်ထုတ်သိရှိ ရသည်။

အဆိုပါ ဖမ်းဆီးရမိဘင်္ဂါလီများအား တရားဥပဒေနှင့်အညီ အရေးယူဆောင်ရွက်နိုင်ရေး သက်ဆိုင်ရာသို့ စနစ်တကျလွှဲပြောင်း အပ်နှံသွားမည်ဖြစ်ကြောင်းနှင့် တပ်မတော်စစ်ကြောင်းနှင့် နယ်ခြားစောင့်ရဲတပ်ဖွဲ့ဝင်များ ပါ၀င်သော ပူးပေါင်းအဖွဲ့များက နယ်မြေရှင်းလင်းရေးလုပ်ငန်းများ ဆက်လက် ဆောင်ရွက်လျက်ရှိကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး