ကြိုးဝိုင်းပေါ်က ဘဝတွေကို ပုံဖော်သွားမဲ့ထွန်းထွန်းမင်းနဲ့ အေးမြတ်သူ

မြန်မာ့အလွတ်တန်းလက်ဝှေ့ချန်ပီယံ ထွန်းထွန်းမင်း ဟာ ၂၀၁၆ ခုနှစ် ဒေ့ဖ်နှင့်ယှဉ်ပြိုင်တိုက်ခိုက်ခဲ့ပြီး ဒဏ်ရာအပြင်းအထန်ရသွားပြီး ကာလအတော်ကြာအနားယူထားရာက ခုဆို ကြိုးဝိုင်းထဲကို ပြန်လည်ဝင်ရောက်လာပြီးဖြစ်ပါတယ်။ထါန်းထွန်းမင်း ပွဲတွေ မျှော်လင့်နေကြသူတွေ အနေနဲ့လည်း အားရလောက်မဲ့ မွေ့ထိုင်းလက်ဝှေ့သမား ဆိုင်းယော့ နဲ့ ပွဲဟာလည်း ရက်အတိအကျထွက်လို့လာပြီ ဖြစ်ပါတယ်။

ထွန်းထွန်းမင်းဟာ လက်ဝှေ့ Fighter များထဲတွင်အကျော်ကြားဆုံးဖြစ်ပြီးစွမ်းဆောင်ရည်က ဂုဏ်ယူစရာဖြစ်သလို အသက်မွေးဘဝတူလက်ဝှေ့သမားချင်း ဘဝတွေကို ပုံဖော်မျှဝေမယ်လိုက်လည်းဆိုလိုက်ပါတယ်။မော်ဒယ်မင်းသမီး သရုပ်ဆောင် အေးမြတ်သူ(မမြတ်လေး) နဲ့အတူ ထွန်းထွန်းမင်းတို့ နှစ်ယောက်က ကြိုးဝိုင်းပေါ်က ဘဝတွေကို ဘယ်လိုပုံဖော်သွားမလဲ သိချင်နေကြမှာပါ။ MNTV ရဲ့ အပတ်စဉ် တီဗွီအစိအစဉ်တစ်ခုအနေနဲ့ တိုကျိုမြို့က လက်ခမောင်းသံ ၏ Lethwei Variety Show ကို လစဉ် ၁ ကြိမ် MTV တွင်ပါဝင်တင်ဆက်ပြသသွားမှာ ဖြစ်ပါတယ်။

လက်ဝှေ့သမားများ၏ ခက်ခဲပင်ပန်းစွာ ကြိုးစားအားထုတ်ရမှု၊ လက်ဝှေ့အပေါ် တန်ဖိုးထား ချစ်မြတ်နိုးမှု၊ အောင်မြင်မှု နောက်ကွယ် က ပေးဆပ်မှုတို့ကို Story အဖြစ်ထည့်သွင်းရေးသားပြီး ရသစုံလင်စွာ တင်ဆက်သွားမှာဖြစ်သလို Lethwei in Japan 8 ပြိုင်ပွဲကိုလည်း လစဉ် ၁ ကြိမ် MNTV တွင်ထုတ်လွှင့်ပြသသွားမှာဖြစ်ပါသည်။“Lethwei in Japan” အစီအစဉ် မှာ Pay Per View မှ တစ်ဆင့် လက်ရှိအချိန်တွင် ကမ္ဘာနိုင်ငံပေါင်း ၆၄ နိုင်ငံရှိ ပရိသတ်များမှ စိတ်ဝင်တစား စောင့်စားနေတဲ့ အစီအစဉ်တစ်ခုဖြစ်ပါတယ်။

source: tun tun min;