(၂၃-၁-၂၀၁၇)ရက်နေ့(၁၆၀၀)အချိန်ခန့် တနင်္သာရီတိုင်းဒေသကြီး၊ မြိတ်ခရိုင်၊ တနင်္သာရီမြို့နယ်၊ ဘန်းလမွတ်ကျေးရွာအုပ်စု၊ ရမ်းဖိုကျေးရွာနေ ဦးမောင်ထွေး (၂၇)နှစ်၊(ဘ)ဦးဘုန်းစိန်၊ ဥယာဉ်ခြံလုပ်ကိုင်သူ၏ ဥယာဉ်ခြံဝင်းအတွင်း (၁၈×၉)ပေ၊ ဝါးထရံကာ၊ ဓနိမိုး၊ ဝါးကြမ်းခင်း၊ မြေစိုက်နေအိမ် မီးလောင်မှုဖြစ်ပွားကြောင်း သတင်းအရ တနင်္သာရီမြို့နယ် မီးသတ်ဦးစီးမှူး ဦးဦးမျိုးမျိုးနိုင် ဦးစီး မီးသတ်တပ်ဖွဲ့ဝင်များနှင့် အရံမီးသတ်တပ်ဖွဲ့ဝင်များ၊ တနင်္သာရီမြို့မရဲစခန်းမှ ဒုစခန်းမှူး ရဲအုပ် မောင်မောင် ဦးစီး တပ်ဖွဲ့ဝင်များ၊ ကျေးရွာသူ/ရွာသားများ မှဝိုင်ဝန်းငြိမ်းသတ်ခဲ့ရာ (၁၆၃၅)အချိန် မီးငြိမ်းသွားခဲ့ကြောင်း မီးလောင်မှုကြောင့် နေအိမ်တစ်လုံးမီးလောင်ပြာကျခဲ့ပြီး တန်ဖိုး (၈၁၀၀၀)ကျပ်ဆုံးရှုံးခဲ့ကြောင်းသိရသည်။
မီးလောင်မှုနှင့်ပတ်သက်၍ စစ်ဆေးရာ အိမ်ရှင်ဖြစ်သူ ဦးမောင်ထွေးနှင့်ဇနီးဖြစ်သူ ဒေါ်တင်ယုဝေတို့သည် ယနေ့ (၀၈၀၀)အချိန် ရမ်းဖိုကျေးရွာမှ မြိတ်မြို့သို့ စျေးဝယ်ရန် ထွက်ခွာသွားခဲ့ကြောင်း စစ်ဆေးပေါ်ပေါက်ခဲ့သဖြင့် ဆက်လက်စုံစမ်းရာ တစ်ရွာတည်းနေ ဦးမောင်ထွေး၏ အစ်ကိုဖြစ်သူ ဦးကျော်လှ(၃၄)နှစ်၊ (ဘ)ဦးဘုန်းစိန်သည် လွန်ခဲသောနှစ်ရက်ခန့်က မိသားစုကိစ္စနှင့် စကားများရန်ဖြစ်ခဲ့ကြောင်း စုံစမ်းသိရှိရ၍ ဦးကျော်လှအား စစ်ဆေးရာ ၄င်းသည် ညီဖြစ်သူ ဦးမောင်ထွေးနှင့် စကားများထားမှု အပေါ် အငြိုးထား၍ ဂစ်မီးခြစ်ဖြင့် နေအိမ်အားမီးရှိုခဲ့မှုအား စစ်ဆေးပေါ်ပေါက်ခဲ့ကြောင်သိရှိရသည်။
အဆိုပါမီးရှို့မှုနှင့်ပတ်သက်၍ နေအိမ်အား မီးနှင့်ရှိုသူ ကျော်လှအား အရေးယူပေးပါရန် (၁၉၄၀)အချိန် မီးသတ်ဦးစီးမှူး ဦးမျိုးမျိုးနိုင်မှ တရးလိုပြုလုပ်တိုင်တန်းသဖြင့် တနင်္သာရီမြို့မရဲစခန်း (ပ)၁၉/၂၀၁၇၊ ရာဇသတ်ကြီး ဥပဒေပုဒ်မ ၄၃၆ အရအမှုဖွင့်လှစ်ပြီး အမှုအား ရဲအုပ်မောင်မောင်မှ စစ်ဆေးဆောင်ရွက်လျက်ရှိကြောင်သိရသည်။
မြိတ်ခရိုင်သတင်းနှင်မှုခင်းမီဒီယာ
#Edkza@Photo Crd
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။