အငြင်းပွားဖွယ်ရာ ၊ ဝိဝါဒကွဲစရာတွေကြားကနေ ပရိသတ်ကြီးကို နှုတ်ဆက်ခဲ့ပြီဖြစ်တဲ့ ငွေဇင်လှိုင်း

ဇာတ်ရှိန်မြင့်တက်လာခဲ့တဲ့ Myanmar Idol မှာ မယုံနိုင်လောက်အောင် အလှည့်အပြောင်းတွေဖြစ်လို့သွားခဲ့ပါပြီ ။ မြန်မာအိုင်ဒေါ သီချင်းဆိုပြိုင်ပွဲရဲ့ ဒီက ၇ ကြိမ်မြောက် Result Show မှာတော့ ပြိုင်ပွဲဝင် ငွေဇင်လှိုင်းနဲ့ နေခန့်မင်းသစ်တို့ ထွက်ခွာ နှုတ်ဆက်လိုက်ရပါတယ်။ပွဲစဉ်အတွင်း ငွေဇင်လှိုင်းက ဘော်တွန်သရီး သုံးကြိမ်ထိုင်ခဲ့ပြီး နေခန့်မင်းသစ်ကတော့ ၄ ကြိမ်တိတိ ထိုင်ခဲ့ရကာ ဒိုင်တွေရဲ့ ဆေ့ဖ်နဲ့ ပြန်လည် တက်ရောက်လာနိုင်သူလည်း ဖြစ်ပါတယ်။

ပြိုင်ပွဲကနေ ထွက်ခွါခဲ့ရပေမယ့် ငွေဇင်လှိုင်းက သူမရဲ့ လူမှုကွန်ယက်စာမျက်နှာမှာ "Top 4 ထိ တက်လှမ်းခွင့်ပေးတဲ့ ချစ်ရတဲ့ အနယ်နယ်အရပ်ရပ်မှ ပရိတ်သတ်ကြီး တမူးမြို့မှ မြို့သူ မြို့သားများကို ပထမဦးဆုံးကျေးဇူးတင်ပါရစေရှင့်။ ပြိုင်ပွဲဝင်ပီးနောက်ပိုင်း သူငယ်ချင်းတွေ ပရိတ်သတ်တွေ အများကြီးထပ်ရလာလို့ အရမ်းပျော်ရပါတယ် ကိုယ်မတတ်ကျွမ်းတဲ့ ဂီတပညာတွေလဲ လေ့လာခွင့်ရခဲ့တယ် အတွေ့အကြုံတွေလဲ တပုံကြီးပဲ ငွေဇင့်ကိုချစ်ပေးဗုတိပေးကြတဲ့အတွက် သီချင်းကောင်းလေးတွေ ဖန်တီးပီး အရောက်လာခဲ့ပါ့မယ် ခုတော့ ငွေဇင်တို့ Top 3 တွက် ဆက်လက်အားပေးကြစို့ I love you all !!! လို့ရေးသားထားတာလည်း ဖြစ်ပါတယ် ။

ငွေဇင်လှိုင်းဟာ နောက်ခံ တမူးမြို့ပရိတ်သတ်က ခြိမ့်ခြိမ့်သည်း အားပေးခံထားရသူဖြစ်ကာ ခုလို ထွက်သွားရတဲ့အတွက်တော့ အများကြီးက ဝမ်းနည်းနေကြမှာလည်း ဖြစ်ပါတယ်။ နေခန့်မင်းသစ်ကလည်း ပရိတ်သတ် ချစ်ခင်မှုတွေ ရရှိနေသူဖြစ်ပါတယ်။ ငွေဇင်းလှိုင်းတစ်ယောက် Juzz သီချင်းတွေနဲ့ အသားကျနေခဲ့ပေမယ့် အခုလိုထွက်ရတဲ့အပေါ်မှာ Voting စနစ်ကို မေးခွန်းထုတ်နေကြသူတွေလည်းရှိပါတယ်။ ပရိသတ်ကြီးရော ငွေဇင်လှိုင်းထွက်ရတာ ဖြစ်သင့်လား ဆိုတာ မှတ်ချက်မှာပြောပြပေးသွားကြပါနော်။

Source - Myanmar Idol / MNTV/ Ngwe Zin Hlaing