Live လွှင့်နေရင်း သရဲခြောက်ခံလိုက်ရတဲ့ ဖြိုးမြတ်အောင်

သူ့ခမျာတော်တော်ကိုကြောက်သွားရှာတာပါ ။ Myanmar Idol ရဲ့ ပူပူနွေးနွေး Winner လေး ဖြိုးမြတ်အောင်ကတော့ သရဲအလွန်ကြောက်တတ်တယ်ဆိုတာ သူ့ပရိတ်သတ်တွေသိပြီးဖြစ်မှာပါ ။ လွတ်လွတ်လပ်လပ်ဖြေဆိုတဲ့ အင်တာဗျူးအချို ့မှာလဲ ပြောထားဖူးပါတယ် ။ ခုတစ်ခေါက်ကတော့ သူနဲ့ အတူ ပရိတ်သတ်ပါလိုက်အခြောက်ခံလိုက်ရတယ်လို့ ဆိုရမှာပါပဲ ။ ပရိတ်သတ်နဲ့ Live တွေ လွှင့်ပြီးစကားပြောလေ့ရှိတဲ့ ဖြိုးမြတ်အောင်က ဒီတခါမှာလဲ ပရိတ်သတ်နဲ့ Live လွှင့်နေရင်း သရဲခြောက်ခံလိုက်ရတာမို့ပါ ။

သူ့ထုံးစံအတိုင်းပေါ့ပေါ့ပါးပါး စကားတွေပြော ဂစ်တာလေးခေါက်ပြီး သီချင်းဆိုပြနေရင်းကနေ သူ့ဘေးက အရိပ်မည်းကြီးတစ်ခု ဖြတ်ပြေးသွားတာပါ ။ ပရိတ်သတ်တွေလဲမြင် သူလဲမြင်လိုက်ပုံရပြီး သီချင်းဆိုတာကို ရပ်လိုက်ပါတယ် ။ ကြည့်ပြီး ဘယ်သူမှမရှိတာကိုမြင်လိုက်တဲ့နောက်မှာ ဖြိုးမြတ်အောင်တစ်ယောက်တော်တော်လန့်သွားပုံပါပဲ ။ 

စကားတွေ ထစ်ငေါ့ထစ်ငေါ့နဲ့ " ကျွန်တော့နောက်မှာ အရိပ်တစ်ခုဖြတ်သွားတယ် ။ တွေ့မိကြလား မသိဘူး " ဆိုပြီးပရိတ်သတ်တွေကို ပြန်မေးပြီး မျက်နှာပျက်နေခဲ့ပါတယ် ။

အဲဒီနေရာကလည်း သူတစ်ယောက်ထဲပဲနေတာမို့ ဘယ်သူမှမရှိလို့ ပိုကြောက်သွားပုံပါ ။ အဲဒီနောက်မှာတော့ ဘာထူးခြားမှုမှရှာမတွေ့တာမို့ ဂစ်တာပြန်ကိုင် သီချင်းပြန်ဆိုပေးခဲ့ပြီး ခဏအကြာမှာတော့ တံခါးကိုလက်နဲ့ရိုက်သံတွေက တိုးတိုးကနေ တစ်ဖြည်းဖြည်း ကျယ်လောင်လာတာကို အားလုံးကြားလိုက်ရပါတယ် ။

ဖြိုးမြတ်အောင်လည်း လန့်သွားပြီး သွားကြည့်ဦးမယ် ဆိုကာ Live ကို ရပ်တန့်သွားခဲ့တာပါ ။ (Video File ကိုအောက်မှာ ကြည့်နိုင်ပါတယ်) 

ထိုနောက်မှာတော့ ဖြိုးမြတ်အောင် သရဲကြောက်မှန်းသိတဲ့ ပရိတ်သတ်တွေက စိတ်ပူခဲ့ကြပြီး ဖြိုးမြတ်အောင်ဆီ ဖုန်းတွေဆက်ကာ သတင်းမေးခဲ့ကြပါတယ် ။ နောက်ဆုံးမှာတော့ အဲဒီသရဲက ဖြိုးမြတ်အောင် သူငယ်ချင်းပါတဲ့ ။ သရဲကြောက်တတ်တဲ့သူငယ်ချင်းတစ်ယောက်ထဲရှိနေတုန်းအချိန်ကို လာနောက်ပြောင်ခဲ့တာပါ ။ နောက်ပိုင်းမှာတော့ ဖြိုးမြတ်အောင်က သူ့ကိုလာစတဲ့သူငယ်ချင်းနဲ့ Live ထပ်လွှင့်ပြီး ပရိတ်သတ်တွေကို စိတ်မပူဖို့ ပြန်ရှင်းပြခဲ့ပါတယ် ။ ဖြိုးမြတ်အောင်နဲ့ အတူ Live ကြည့်နေတဲ့ ပရိတ်သတ်တွေပါ ကြောက်သွားခဲ့တာဆိုတော့ လူအများကြီးကို တစ်ခါထဲကြောက်သွားအောင် ခြောက်နိုင်ခဲ့သူပါပဲနော် ။  

သတင်းအရင်းမြစ် Phyo Myat Aung