ရည်းစားကခိုးရာမလိုက်လို့ ကြိုးဆွဲချသေဆုံး
ရည်းစားဖြစ်သူ မိန်းကလေး ခိုးရာ မလိုက်သည့်အတွက်ဟုဆိုကာ ကြိုးဆွဲချ သေဆုံးခဲ့သည့်ဖြစ်ရပ် ကံပေါက် ဓာတ်ငွေ့ပိုက်လိုင်းအနီးတွင် ဖြစ်ပွားခဲ့ကြောင်း ကံပေါက်နယ်မြေ ရဲစခန်းထံမှ သိရသည်။
ဖြစ်စဉ်မှာ အသက် ၂၂ နှစ်အရွယ် အမျိုးသားက ၎င်း၏ ရည်းစားဖြစ်သူ မိန်းကလေးအား အခင်းဖြစ်ရာနေရာကို ဆိုင်ကယ်ဖြင့် ခေါ်ဆောင်လာခဲ့ပြီးနောက် ခိုးပြေးရန် ပြောခဲ့ရာ မိန်းကလေးက အသက် ငယ်သေးသည့်အတွက် ငြင်းဆိုကာ လမ်းလျှောက်ပြန်လာခဲ့ရာမှ ကြိုးဆွဲချ သေဆုံးမှု ဖြစ်ပွားခဲ့ခြင်းဖြစ်ကြောင်း ယင်းရဲစခန်းမှ စခန်းမှူးက ပြောသည်။
လမ်းလျှောက်ပြန်လာသည့် မိန်းကလေးသည် အခင်းဖြစ်ရာ နေရာနှင့် ပေ ၃ဝဝ ခန့်အကွာသို့ အရောက်တွင် ယင်းအမျိုးသားက ဖုန်းဆက်ပြီး ၎င်းကြိုးဆွဲချ သေဆုံးသည့်အကြောင်းကို အိမ်ကို အကြောင်းကြားပေးရန် ပြောဆိုခဲ့ကြောင်း၊ ထို့ကြောင့် မိန်းကလေးက နောက်ပြန်လှည့်ပြေးကာ သွားကြည့်ရာတွင် သစ်ပင်တွင် လုံချည်ဖြင့် ကြိုးဆွဲချ သေဆုံးနေသည်ကို တွေ့ခဲ့ရကြောင်း ထွက်ဆိုချက်ကို ကိုးကား၍ ကံပေါက် နယ်မြေရဲစခန်းမှ စခန်းမှူးက ပြောသည်။
ယင်းသေဆုံးမှုသည် ထားဝယ်ခရိုင်၊ ရေဖြူမြို့နယ်၊ အုန်းပင်ကွင်းကျေးရွာ အုပ်စုပိုင်နယ်မြေအတွင်း ဖေဖော်ဝါရီ ၁၀ ရက်က ဖြစ်ပွားခဲ့ခြင်း ဖြစ်သည်။
အိမ်မှ ပုဆိုး အပို ယူသွားသည့်အတွက် ကြိုးဆွဲချ သေဆုံးရန် ကြိုတင် ကြံစည်ထားခြင်း ဖြစ်နိုင်ကြောင်း အခင်း ဖြစ်ရာနေရာ ရောက်ရှိခဲ့သည့် ဒေသခံ တစ်ဦးက ခန့်မှန်းသည်။ အဆိုပါ ကြိုးဆွဲချ သေဆုံးမှုကို ကံပေါက်နယ်မြေရဲစခန်းတွင် သေမှုသေခင်း အမှတ်စဉ် (၁/၂၀၁၇) ဖြင့် အမှုဖွင့်ထားသည်။
Dawei Watch
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
