မနေ့ညကကစားခဲ့တဲ့ချန်ပီယံလိဂ်ပွဲစဉ်မှာဘာစီလိုနာအသင်းကို၄ဂိုးပြတ်နဲ့အနိုင်ရရှိခဲ့ကာအကောင်းဆုံးနိုင်ပွဲကိုပုံဖော်နိုင်ခဲ့ပေမယ့်လည်းပဲရစ်စိန့်ဂျာမိန်းအသင်းနည်းပြအူနိုင်းအမ်မရီကတော့ပွဲမပြီသေးဘူးလို့၎င်းရဲ့အသင်းသားတွေကိုသတိပေးပြောဆိုသွားခဲ့ပါတယ်။
ပြင်သစ်ချန်ပီယံဟာမနေ့ညက Parc Des Prince မှာကစားခဲ့တဲ့ချန်ပီယံလိဂ်၁၆သင်းအဆင့်ရှုံးထွက်ပထမအကျော့ပွဲစဉ်မှာအိန်ဂျယ်ဒီမာရီိယာက၂ဂိုး ဂျူလီယန်ဒရက်ဇလာနဲ့အက်ဒီဆင်ကာဗာနီတို့ကတစ်ဂိုးစီသွင်းယူပေးခဲ့ကာလာလီဂါချန်ပီယံဘာကာကိုချေမှုန်းနိုင်ခဲ့ပါတယ်။
ရှံုးထွက်အဆင့်ပထမအကျော့မှာယခုလို၄ဂိုးပြတ်နဲ့ရှံုးနိမ့်ခဲ့တဲ့ဘယ်အသင်းမှချန်ပီယံလိဂ်သမိုင်းမှာနောက်တစ်ဆင့်ကိုတက်ရောက်ခဲ့တဲ့ရာဇဝင်မရှိပေမယ့်လည်းပီအက်ဂျီနည်းပြအမ်မရီကတော့နူးကမ့်မှာကစားရမယ့်ဘာစီိလိုနာနဲ့ဒုတိယအကျော့ပွဲစဉ်ကိုသတိထားကစားဖို့လိုအပ်ကြောင်းပြောသွားခဲ့ပါတယ်။
အမ်မရီက "ဘာစီလိုနာနဲ့ရင်ဆိုင်ရတာဟာတကယ့်ကိုစိတ်လှုပ်ရှားစရာကောင်းပြီးခက်ခဲလှပါတယ်။ ပထမအကျော့ပွဲစဉ်ရဲ့အနိုင်ရလဒ်ကတော့အလွန်ချိုမြိန်လှပါတယ်။ ဒါပေမယ့်ကျွန်တော်တို့အနေနဲ့နောက်ထပ်မိနစ်ကိုးဆယ်ကစားရအုံးမှာကိုသတိပြုထားရပါမယ်။
ကျွန်တော်တို့ပဲရစ်မှာသူတို့ကိုအောင်နိုင်ခဲ့ပြီးပြီးပြည့်စုံတဲ့ပွဲတစ်ပွဲကိုဖန်တီးနိုင်ခဲ့ပါတယ်။ နောက်တစ်ကေျာ့မှာလည်းအသင်းသားတွေအနေနဲ့ဒီပုံစံအတိုင်းအပြည့်အဝအာရုံစိုက်ထားဖို့လိုအပ်ပါသေးတယ်။ ဘာလို့လဲဆိုတော့သူတို့ဟာအိမ်ကွင်းမှာအလွန်ကြောင်စရာကောင်းလို့ပါပဲ။
နောက်ပွဲစဉ်ကိုကျွန်တော်အလွန်သတိထားနေပါတယ်။ ကျွန်တော်တို့ဒီညမှာကစားခဲ့သလိုမျိုးနောက်တစ်ကျေ့ာမှာကစားသွားရပါမယ်။" လို့ပြောခဲ့ပါတယ်။
ဘာစီလိုနာနဲ့ပီအက်ဂျီတို့ဟာလာမည့်ဒုတိယအကျော့ပွဲစဉ်ကိုမတ်လ၈ရက်နေ့နူးကမ့်မှာကစားရမှာဖြစ်ပါတယ်။
Ref: L´Equipe
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။