ဓမ္မတာလာနေစဉ် အဖြူဝတ်ပြီး ယောဂကျင့်ပြခဲ့တဲ့အမျိုးသမီး

အမျိုးသမီးတွေအတွက်တော့ ဓမ္မတာလာနေတဲ့အချိန်ဆိုတာ ပြောရရင် ငရဲလိုပါပဲ။ ခါးကိုက်တာ၊ နာကျင်တာ၊ ကိုယ်လက်မအီမသာဖြစ်တာ၊ စိတ်ပိုင်းဆိုင်ရာအတက်အကျမြန်တာ စတဲ့လက္ခဏာတွေကို တစ်လကိုတစ်ကြိမ်ပုံမှန်ခံစားနေရတတ်တဲ့အမျိုးသမီးတွေအတွက် နားလည်ပေးတဲ့သူဆိုတာရှားပါတယ်။ နောက်ပြီး ဓမ္မတာလာခြင်းဟာ အမျိုးသမီးတွေအတွက် မဟာကြီးမားတဲ့ လျိှု့ဝှက်ချက်ကြီးတစ်ခုအနေနဲ့ဖြစ်ပေမယ့် ဒီယောဂဆရာမကတော့ သဘာဝအတိုင်း ယောဂပုံစံအမျိုးမျိုးလုပ်ပြသွားခဲ့ပါတယ်။

Texas မှာနေထိုင်တဲ့ Stephanie Góngora အမည်ရ ယောဂဆရာမတစ်ဦးဟာ သူမဓမ္မတာလာနေစဉ်အချိန်အတွင်းမှာ မဖုံးမကွယ်ဘဲ အဖြူရောင်ဝတ်စုံဝတ်ပြီး လွတိလွတ်လပ်လပ် ယောဂကျင့်စဉ်တွေ ကျင့်ပြခဲ့ပါတယ်။ သူမဟာ အဆိုပါ Video ကို " ငါတို့သည် မိန်းမသားများဖြစ်သောကြာင့် ဓမ္မတာလာသည် " လို့အဓိပ္ပါယ်ရတဲ့ခေါင်းစဉ်နဲ့ အင်တာနက်မှာ တင်ခဲ့တာပဲဖြစ်ပါတယ်။

ဒီ Video တင်ပြီးနောက်ပိုင်းသူမမှာ အကောင်းအဆိုးဝေဖန်မှု နှစ်မျိုးလုံးကို လက်ခံရရှိခဲ့ပြီး အသက်အန္တရာယ် ခြိမ်းခြောက်ခံရတာတွေအထိ ဖြစ်လာတယ်လို့ သတင်းရင်းမြစ်တစ်ခုကနေ ရေးသားထားပါတယ်။ အကောင်းဝေဖန်သူတွေဘက်ကနေ သူတို့ရဲ့ ဓမ္မတာအတွေ့အကြုံ၊ ပြသနာတွေနဲ့ ကျေးဇူးတင်စကားတွေကို သူမဆီပေးပို့ခဲ့ကြပြီး ကျန်တဲ့ဝေဖန်သူတွေကတော့ ဖုံးကွယ်သင့်တဲ့ကိစ္စကို အရှက်မရှိ ဖော်ပြရဲတယ်လို့ ဝေဖန်ခဲ့ကြပါတယ်။

Source : dailymail

Translated by Alexa