လူ Cele တွေနဲ့ ဓါတ်ပုံတွဲရိုက်ခဲ့ကြတဲ့ တိ Cele ညီအကို

လူမှုကွန်ယက်တွေပေါ်မှာ ၀ါသနာတူတွေ စုစည်းဖွဲ့ထားတဲ့ Group ပေါင်းများစွာထဲ တိချစ်သူများဆိုတဲ့ ဂရုလေးကတော့ လူသိများထင်ရှားတဲ့ Group လေးတစ်ခုဖြစ်ပါတယ် ။ အဲဒီ Group ထဲမှာ တိရစ္ဆာန်လေးတွေရဲ့ ချစ်စရာကောင်းတဲ့ ပုံရိပ်လေးတွေ ချစ်စရာကောင်းတဲ့ Video Clip လေးတွေ အမြဲပြည့်နေလေ့ရှိပြီး လူသိများတဲ့ လူချစ်လူခင်များတဲ့ တိ Cele လေးတွေလဲရှိနေတာပါ ။

အဲဒီထဲက ပြုံးချိုတို့ စူပါ ဆိုတဲ့ ခွေးလေးနှစ်ကောင်ဟာဆိုရင်တော့ မသိသူမရှိတဲ့ တိ Cele လေးတွေပါပဲ ။ သခင်က အရမ်းချစ်လို့ သားလိုကို ကြည့်ရှုစောင့်ရှောက်ထားပေးတာမို့ သူတို့ရဲ့ ကုသိုလ်ကံကောင်းတယ်လို့တောင် မှတ်ချက်ပေးကြရတဲ့ထိပါ ။ သူတို့ကလည်း လူတကာဝိုင်းချစ်ရလောက်တဲ့ထိ တကယ့်ကို ချစ်ဖို့ကောင်းပါတယ် ။ ပွဲတွေမှာ အပြင်မှာ သူတို့ကိုသိကြတဲ့သူတွေ တွေ့ကြတဲ့သူတွေက အမှတ်တယ ဓါတ်ပုံတွေ အတူရိုက်ကူးကြတာ ပျော်စရာပါပဲ ။ သူတို့ကိုချစ်ကြတဲ့သူတွေ များလာတာနဲ့ အမျှ သတင်းဠာနတွေကလည်းဆက်သွယ်လာပြီး သူတို့ရဲ့ ချစ်စရာအမူအကျင့်လေးတွေကို ရိုက်ကူးပြသတဲ့ အစီအစဉ်အချို ့ပါ ရိုက်ကူးခဲ့ကြကာ ပရိတ်သတ်တွေ အကြိုက်တွေ့တဲ့ အစီအစဉ်လေးတွေဖြစ်ခဲ့ပါတယ် ။ အဲဒီလို ပြံုးချိုတို့ စူပါတို့ ညီအကို ကိုချစ်ခင်ကြတဲ့ထဲမှာ အနုပညာရှင်တွေလဲပါ၀င်နေကြတာပါ ။ 

မြန်မာနိုင်ငံက ဒိတ်ဒိတ်ကျဲ Beauty Blogger နေခြည်ဦးတို့ ပိုင်ဆိုင်တဲ့ စိမ်းလဲ့တင် ဟိုတယ်မှာ သွားတည်းတုန်းကတောင် ပြံုးချိုကိုချစ်လို့ အခကြေးငွေမယူခဲ့တဲ့ အပြင် စားစရာ ကြက်ကြော်တွေတောင် ပို့ပေးခဲ့တာပါတဲ့ ။ အခြားပြံုးချိုတို့ညီအကိုကိုချစ်လို့ အတူဓါတ်ပုံတွဲရိုက်ကြတဲ့ အနုပညာရှင်တွေကတော့ ပြေတီဦး ၊ ခင်လှိုင် ၊ ထူးအောင် ၊ ကျော်ကျော်ဗိုလ် တို့ပါပဲ ။ သူတို့နဲ့ အတူ ရိုက်ကူးထားတဲ့ ဓါတ်ပုံလေးတွေကို Myanmarload ပရိတ်သတ်ကြီးအတွက် ထပ်ဆင့်ပြန်လည်ဖော်ပြပေးလိုက်ပါတယ် ။ ပြံုးချိုတို့ စူပါတို့ရဲ့ ပရိတ်သတ်တွေ ရှိရင်ပြောသွားကြပါလားနော် ။ 

သတင်းအရင်းမြစ် Lamin Moh Moh Thar