လီဗာပူးနောက်ခံလူဒီဂျန်လိုဗန်ဟာဒူးဒဏ်ရာအတွက်ဂျာမနီမှာရှိတဲ့အထူးကုဆရာဝန်ထံဆေးကုသမှုသွားရောက်ခံယူနေပြီးလာမည့်လက်စတာစီးတီးနဲ့ပွဲစဉ်ကိုလွဲချော်နိုင်ခြေရှိနေပါတယ်။
စပါးအသင်းကိုနှစ်ဂိုးပြတ်နဲ့အနိုင်ရရှိခဲ့ပြီးနောက်လီဗာပူးဟာလာမည့်၂၇ရက်နေ့မှာလက်ရှိချန်ပီယံလက်စတာစီးတီးအသင်းကိုကင်းပါဂါမှာသွားရောက်ကစားရမှာဖြစ်ပါတယ်။
လိုဗန်ဟာဒူးဒဏ်ရာကြောင့်ဟူးစီးတီးကို၂ဂိုးပြတ်နဲ့ရှုံးနိမ့်ခဲ့တဲ့ပွဲစဉ်အပြင်စပါးအသင်းနဲ့ပွဲစဉ်ကိုလည်းလွဲချော်ထားခဲ့ပါတယ်။
လိုဗန်ဟာစပိန်နိုင်ငံလာမန်ဂါမှာပြုလုပ်ခဲ့တဲ့လီဗာပူးအသင်းရဲ့လေ့ကျင့်ရေးအစီအစဉ်ကိုလည်းပါဝင်နိုင်ခဲ့ခြင်းမရှိခဲ့ဘဲတယ်လီဂရပ်သတင်းဋ္ဌာနကတော့ဂျာမနီကပြန်လာပြီးနောက်လိုဗန်အနေနဲ့ရက်အနည်းငယ်အနားယူရအုံးမှာဖြစ်တာကြောင့်လက်စတာနဲ့ပွဲကိုလွဲချော်မှာဖြစ်တယ်လို့ဖော်ပြထားပါတယ်။
နည်းပြယာဂန်ကလော့ကတော့၎င်းရဲ့အဓိကနောက်ခံလူအနေနဲ့လာမည့်တနလာင်္နေ့မှာဝင်ရောက်ကစားနိုင်ဖို့မျှော်လင့်နေပြီးအကယ်၍များလိုဗန်မပါဝင်နိုင်ခဲ့ရင်တော့ကလော့ဟာရက်နာကလာဗန် လူးကပ်စ်လီဗာနဲ့ဂျိုးဂိုးမက်ဇ်တို့တစ်ဦးဦးနဲ့ဂျိူရယ်မာတစ်ကိုဗဟိုခံစစ်မှာတွဲပေးဖို့ရှိနေပါတယ်။
လီဗာပူးရဲ့ဗဟိုခံစစ်နေရာအတွက်လူးကပ်စ်လီဗာဟာအကောင်းဆုံးရွေးချယ်မှုဖြစ်လာနိုင်ပြီးဘရာဇီးဝါရင့်ကစားသမားဟာပြီးခဲ့တဲ့တော့တင်ဟမ်ကို၂ဂိုးပြတ်နဲ့အနိုင်ရရှိခဲ့တဲ့ပွဲမှာပြိုင်ဘက်တိုက်စစ်မှုးဟယ်ရီကိန်းကိုအကောင်းဆုံးထိန်းချုပ်နိုင်ခဲ့တဲ့အပြင်တည်ငြိမ်တဲ့ခြေစွမ်းပြသခဲ့တာကြောင့်ပဲဖြစ်ပါတယ်။
Ref; Mirror
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။