အမျိုးသားများအနေနဲ့ ဆီးကြိတ်ကြီးခြင်းကို သက်သာစေမယ့် အစားအစာများ

အမျိုးသား အများစုက ဆီးကြိတ်ကြီးခြင်းကို ရင်ဆိုင်ရတတ်ပါတယ်။ ဒီလို အခြေအနေမျိုးမှာ ဆရာဝန်နဲ့ ပြသတိုင်ပင်ရန်လည်း လိုအပ်သလို အစားအစာများနဲ့လည်း သက်သာစေမယ့် နည်းလမ်းများ ရှိပါတယ်။ အစားအစာ အများစုက ဆီးကျိတ်ကြီးခြင်းကို လျော့နည်းစေနိုင်သလို ပိုများစေနိုင်တာမျိုးလည်း ရှိနိုင်ပါတယ်။ ဒါ့ကြောင့် အစားအစာ ရွေးချယ်ခြင်းကို မမှားယွင်းစေဖို့ ဆီးကြိတ်ကြီးခြင်းကို သက်သာစေမယ့် အစားအစာများကို ဖော်ပြပေးလိုက်ပါတယ်။

- အမျှင်ဓာတ်များတဲ့ အစားအစာများ (အလုံးပြည့်ဆန်၊ ပဲ၊ အစိမ်းရောင် ဟင်းသီးဟင်းရွက်များ) ကို မကြာခဏ စားသုံးပါ။

- ဓာတ်တိုးဆန့်ကျင်ပစ္စည်းများ ပါဝင်တဲ့ အသီးအနှံ၊ ဟင်းသီးဟင်းရွက်များ (အနီရင့်ရောင်၊ အဝါရောင်၊ လိမ္မော်ရောင်ရှိတဲ့ အသီးအနှံများ၊ ဇင့်ဓာတ်ပါတဲ့ ကြက်ဥ၊ ပင်လယ်စာ အများစု၊ အစေ့အဆံများ) ကို စားသုံးပါ။

- Phytoestrogen ဓာတ်ပါဝင်တဲ့ ပဲမျိုးစုံ ကိုလည်း စားသုံးနိုင်ပါတယ်။

- အိုမီဂါ ၃ အဆီဓာတ် ပါဝင်တဲ့ ငါးအများစုနဲ့ အစေ့အဆံများလည်း စားသုံးပေးသင့်ပါတယ်။

ဆီးကျိတ်ကြီးသူများ မဖြစ်မနေ ရှောင်ရှားသင့်တဲ့ အစားအစာများကိုလည်း ဖော်ပြပေးလိုက်ပါတယ်။

- ကဖိန်းဓာတ်

- အချိုသကြားများ

- အရက်

- နီကိုတင်းဓာတ်

- ကာဗွန်ပါတဲ့ အချိုရည်များ

- ကစီဓာတ်ပါတဲ့ ပြုပြင်ထားတဲ့မုန့်များ

- အနီရောင်အသားများ …… စတာတွေပဲ ဖြစ်ပါတယ်။

ဖော်ပြပါ ဆောင်ရန်၊ ရှောင်ရန် အစားအစာများကို တိကျလိုက်နာစွာ စားသုံးခြင်းဖြင့် ဆီးကြိတ်ကြီးခြင်းကို သက်သာစေနိုင်တဲ့အပြင် ဆီးကြိတ် မဖြစ်အောင်လည်း ကာကွယ် တားဆီးပေးပါတယ်။ အားလုံးပဲ စိတ်ချမ်းသာ ကိုယ်ကျန်းမာနှင့် သာယာပျော်ရွှင်နိုင်ကြပါစေ။

သတင်းအရင်းအမြစ် - Dr. Emerald