တရုတ်နိုင်ငံ အရှေ့ပိုင်းရှန်ဒုံးပြည်နယ် ဝိုင်ဖန်းမြို့မှာ ရှိတဲ့ Xiabu Xiabu စားသောက်ဆိုင်တခုတွင် စွပ်ပြုတ်ထဲမှာ ကြွက်သေကောင် တကောင်ပါလာတာကြောင့် ပေါင်သန်းရာချီဆုံးရှုံးခဲ့ရတယ်လို့သိရပါတယ်။ဖြစ်စဉ်မှာတော့ မိသားစုနဲ့အတူ ညစာစားသုံးနေတဲ့ ကိုယ်ဝန်ဆောင်အမျိုးသမီး တယောက်ရဲ့ စွပ်ပြုပ်ပန်းကန်ထဲမှာ ဒီကြွက်သေကောင်က ပါလာတာပဲဖြစ်ပါတယ်။ဟင်းရည်အိုးထဲ ကြွက်သေပါလာတဲ့ ဗီဒီယိုဖိုင်ကိုလည်း လူမှုကွန်ယက်မှာ တင်ခဲ့တာကြောင့် လူမှုကွန်ရက်အသုံးပြုသူတွေက ပြင်းပြင်းထန် ဝေဖန်ရှုတ်ချနေကြတယ်လို့သိရပါတယ်။

ဒီကြွက်သေကြောင့် ဗိုက်ထဲကကလေး တခုခုဖြစ်သွားမယ်ဆိုရင် ဆိုင်ဘက်က ဘယ်လို ဖြေရှင်းပေးမှာဆိုတဲ့ မေးခွန်းတွေလဲများစွာထွက်ပေါ်လျက်ရှိပါတယ်။ အဆိုပါ ကြွက်သေကောင်ပါတဲ့ ဟင်းကိုစားမိတဲ့အတွက် ဗိုက်ထဲက ကလေးငယ်ကို ထိခိုက်မှာ စိုးရိမ်တယ်ဆိုရင် ကလေးဖျက်ချဖို့ ယွမ် ၂၀၀၀၀ ပေးမယ်လို့ စားသောက်ဆိုင်ဝန်ထမ်းက ပြောကြောင်း ကိုယ်ဝန်ဆောင် အမျိုးသမီးရဲ့ ခင်ပွန်းဖြစ်သူ မစ္စတာမား ကပြောပါတယ်။လက်ရှိမှာတော့အဆိုပါစားသောက်ဆိုင်ကို ယာယီခဏပိတ်ထားတယ်လို့သိရပါတယ်။  

စားသောက်ဆိုင်မှတာဝန်ရှိသူတွေအနေနဲ့တော့ ဒီဖြစ်ရပ်နဲ့ ပတ်သက်လို့ စစ်ဆေးမှုတွေကို ချက်ချင်းပြုလုပ်ခဲ့ပေမယ့် ဟင်းထဲ ကြွက်ပါလာ ရတဲ့ သဲလွန်စကို မတွေ့ခဲ့ရဘဲ စားသောက်ဆိုင်အတွက် ကုန်ကြမ်းသွင်းတဲ့ လုပ်ငန်းတွေမှာတော့ အရည်အသွေး မပြည့်မီတာတွေ ကြောင့်ဖြစ်နိုင်တယ်လို့ဆိုပါတယ်။အဆိုပါဖြစ်ရပ်ကြောင့် Xiabu Xiabu စားသောက်ဆိုင်လုပ်ငန်းစုရဲ့ ရှယ်ယာတန်ဖိုးဟာ ၁၂ ရာခိုင်နှုန်းအထိ ကျဆင်းသွားခဲ့ပြီး ကုမ္ပဏီအနေနဲ့ ပေါင် ၁၄၅ သန်းလောက် ထိခိုက်နစ်နာမှု ဖြစ်စေခဲ့တယ်လို့လည်း သိရပါတယ်။

သတင်းအရင်းအမြစ် - DVB 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။