သရုပ်ဆောင်မင်းသွေး သေဆုံးမှုနဲ့ပတ်သတ်ပြီး ပေါက်ကွဲနေတဲ့ အဆိုတော်မိုးမိုး

သရုပ်ဆောင် မင်းသားနေတိုးရဲ့ ညီဖြစ်သူ သရုပ်ဆောင် မင်းသွေး သေဆုံးမှုနဲ့ပတ်သတ်ပြီး ပရိသတ်တွေရော အနုပညာမောင်နှမတွေပါ ယူကြုံးမရ ဝမ်းနည်းကြေကွဲခဲ့ကြရတာပါ ။

တချို့ အနုပညာရှင်တွေဆိုရင် မင်းသွေးသေဆုံးသွားတာကို ခုချိန်ထိ လက်မခံနိုင်ကြသေးဘဲ နှမြောတသဖြစ်ပြီး ခံစားနေကြရတုန်းပါဘဲ ။

စိတ်ထားကောင်းပြီး လူတကာကို ကူညီတတ်တဲ့သူ ၊ ပျော်ပျော်နေတတ်တဲ့သူတစ်ယောက် အဖြစ် အားလုံးက ချစ်ခင်ကြတဲ့ မင်းသွေးသေဆုံးမှုနဲ့ပတ်သတ်ပြီး မီဒီယာအချို့နဲ့ ပရိသတ် တွေကြောင့် နာရေးက စည်ကားခဲ့ပြီး မိသားစုဝင်တွေ ကောင်းမွန်စွာ မနှုတ်ဆက် လိုက် ရဘဲ သဂြိုလ်ခဲ့ရတာဖြစ်ပါတယ် ။

ဒီကိစ္စနဲ့ပတ်သတ်ပြီး အဆိုတော် မိုးမိုးက " နှုတ်ဆက်လိုက်ပါတယ် ညီလေးငယ်

နောက်ဆုံးအချိန်အထိ...

တချို့သော တိရစ္ဆာန်များကို

ပျော်ပွဲ ရွှင်ပွဲတမျှဖြစ်အောင် လုပ်ပေးတဲ့မင်း

ကုသိုလ်တွေအများကြီး ထပ်ရတာပေါ့ကွာ

ငါကတော့ အဲ့ တိရစ္ဆာန်တွေကို

သတ်ချင်စိတ်တွေ ဖြစ်နေမိတယ် " ဆိုတဲ့စာသားနဲ့အတူ သူ့ရဲ့လူမှုကွန်ယက်စာမျက်နှာ မှာပေါက်ကွဲထားတာ တွေ့မြင်ရပါတယ် ။

ညီအစ်ကိုလို ခင်မင်ရတဲ့ မင်းသွေး အတွက် ယူကြုံးမရ နှမြောတသ စိတ်တွေနဲ့ ဒေါသတွေ ထွက်နေရှာတဲ့မိုးမိုးရဲ့ ချစ်ခင်မှုကိုအတိုင်းသားတွေ့မြင်နေရပါတယ် ။

မင်းသွေး ရုပ်အလောင်းကို မီးသဂြိုလ်နေစဉ် စောင့်ဆိုင်းနေကြစဉ် ရင်ထဲမှာ ဘယ်လောက် ပူလောင်နေကြမလဲ ဆိုတာ မျက်နာလေးတွေ အားလုံးမိုင်ပြီး ခံစားနေရတာတွေ့ရမှာပါ။

သူ့အပေါ်မှာ တကယ်ချစ်ပြီး တကယ်သံယောဇဉ်ကြီးနဲ့အနုပညာညီအစ်ကို မောင်နှမတွေ အများကြီးရှိတယ် ၊ သူ့ကိုချစ်တဲ့ ပရိသတ်တွေအများကြီး ရှိတယ်ဆိုတာကို သိမသွားလိုက် ရရှာတဲ့ မင်းသွေးအတွက်တော့တကယ်ကို စိတ်မကောင်းဖြစ်ရပါတယ် ။

Source : Moe Sithu Kyaw