ဆိုင်ထဲကမောင်းထုတ်ခံရတဲ့ တစ်ချိန်ကလူကြမ်းသရုပ်ဆောင်ကြီး ...

ဇာတ်ကားတစ်ကားရိုက်တဲ့အခါ မင်းသားမင်းသမီး တွေသာမကဘဲ ဇာတ်ပို့ဇာတ်ရန်ဗီလိန်လူကြမ်းတွေ အားလုံးဟာ ကိုယ်ကျရာနေရာကို သရုပ်ပေါ်အောင်ပုံဖော်သရုပ်ဆောင်ကြရပါတယ် ။ မင်းသားမင်းသမီးတွေအတွက် သရုပ်ဆောင်တာပီပြင်ရင် ချစ်တဲ့ပရိတ်သတ်တွေတိုးပွားလာမှာပေမယ့် လူကြမး်သရုပ်ဆောင်တွေအတွက်ကတော့ သရုပ်ဆောင်တာကောင်းလေလေ လူမုန်းခံရလေလေပါ ။ သို့ပေမယ့်လဲ လူကြမ်းသရုပ်ဆောင်တွေဟာ ၀ါသနာနဲ့ ဝမ်းရေးအတွက် လူမုန်းခံရတာကို ဂရုမစိုက်နိုင်ဘဲ သူတို့ရဲ့တာဝန်ကျေပွန်အောင် အပီပြင်ဆုံးကြိုးစားသရုပ်ဆောင်ကြပါတယ် ။ ယခုခေတ်မှာတော့ ရုပ်ရှင်ထဲမှာ လူကြမ်းပေမယ့် တကယ့်ပြင်ပဘဝမှာ စိတ်မကြမ်းတဲ့ လူကြမ်းတွေရဲ့ဘဝကို နားလည်ပေးနိုင်လာကြပါပြီ ။ အရင်ခေတ်က လူကြမ်းသရုပ်ဆောင်ကြီးတစ်ယောက်နဲ့ အမှတ်မထင် ဆုံခဲ့ရတဲ့ Lagoon Eain ဆိုတဲ့ အကောင့်ပိုင်ရှင်က သူရဲ့အတွေ့အကြုံကို လူမှုကွန်ယက်ကတစ်ဆင့်ပြောပြထားပါတယ် ။

" အဘိုးကြီးတစ်ယောက်ကို
ဆိုင်ရှင်မောင်းထုတ်နေလို့
ကြည့်မိတော့ လူကြမ်းသရုပ်ဆောင်ကြီး
ဦးဝင်းမောင် ခေါ် ဦးအောင်စည်ဖြစ်နေတယ်
သူသောက်ချင်စားချင်တာလုပ်ပေးလိုက်ပါကွာ
ငါရှင်းပေးပါ့မယ်ဆိုပြီး ခေါ်ထိုင်လိုက်တယ်
စကားပြောတွေကအစမူမမှန်တော့ဘူးဆိုတော့လည်း
သူ့ကိုခေါ်မရိုက်ကြတော့ဘူးထင်ပါရဲ့
ရယ်လိုက်ငိုလိုက်နဲ့
ဘာဖြစ်ဖြစ် သူတို့ဟာ အနုပညာသမားတွေလေ
အဲသလိုမမြင်ချင်ဘူး
ကိုယ့်အဖေအရွယ်လောက်ရှိတယ်
ဘယ်လိုမှသဘောမထားပါနဲ့
ကန်တော့တာပါဆိုပြီး တတ်နိုင်သလောက်ပေးခဲ့တယ်
လှူတာမဟုတ်ပါဘူး ဂါရဝပြုတာပါ
သူ့ငယ်ဘဝလေးနားထောင်ရတာပေါ့
သူ့ပုံဟောင်းလေးတွေပြတယ်
ဆိုင်ရှင်တွေတော့ဘယ်ကြည်မလဲ " တဲ့ ...

ဘဝရဲ့နေဝင်ချိန်မှာ အသက်ရှင်နေထိုင်ဖို့အရေးကြီးဆုံး ဝမ်းရေးအတွက်ပါခက်ခဲနေပုံရပါတယ် ။ အဖေအရွယ် အဘိုးအရွယ် အနုပညာရှင်တစ်ယောက်ကို ဒီလိုအနေအထားနဲ့တွေ့ရတာ စိတ်မကောင်းစရာပါ ...
အခက်အခဲတွေကြားက ဇရာထောင်းနေတဲ့ အမေ့ခံအဘိုးအိုတစ်ယောက် ဆေးသားပြယ်လွင့်နေတဲ့ဓါတ်ပုံထဲက ပုံရိပ်လေးတွေကို ဖမ်းဆုပ်ရင်းမြန်မာရုပ်ရှင်လောကကို တစ်ထောင့်တစ်နေရာကနေဖြည့်ဆည်းပေးခဲ့တဲ့ အတိတ်ကိုပြန်လည်ပြီးအမှတ်ရနေလေဦးမလား ဆိုတာကိုတော့ ... ရုပ်ရှင်လောကသားအချင်းချင်းပဲ ကိုယ်ချင်းစာနားလည်နိုင်တော့မှာပါ ...

Source : Lagoon Eain's facebook