ပြင်သစ်နိုင်ငံရဲ့လမ်းမထက်မှာ ပေါ်ထွက်လာတဲ့ ဧရာမစက်ရုပ်ကြီးနှစ်ကောင်

ယခုမျက်မှောက်ခေတ်ကာလမှာတော့ လူသားတွေဟာ စက်ရုပ်တွေကို အရင်ကထက်ပိုမိုတီထွင်လာနိုင်ကြပြီး တချို့နိုင်ငံတွေမှာဆို လုပ်ငန်းခွင်တွေမှာတောင် စက်ရုပ်အလုပ်သမားတွေကိုအသုံးပြုနေကြပါပြီ။

ပြီးခဲ့တဲ့ နိုင်ဝင်ဘာဘ ၂ ရက်နေ့မှာဆိုရင်လည်း ပြင်သစ်နိုင်ငံမှာ French Street Theatre Group “La Machine” အဖွဲ့က ဧရာမ ပင့်ကူစက်ရုပ်ကြီးနဲ့ မီနိုတာအို စက်ရုပ်ကြီးတွေကို လမ်းပေါ်မှာပြသလာခဲ့ပါတယ်။ 

ဧရာမပင့်ကူစက်ရုပ်ကြီးကတော့ အမြင့်ပေ ၄၃ ပေအရွယ်ရှိပြီး ခြေထောက်တွေပါပေါင်းလိုက်မယ်ဆိုရင် ၆၅ ပေအမြင့်ထိရှိနေပါတယ်။

ဂရိဒဏ္ဍာရီထဲက မီနိုတာအို စက်ရုပ်ကြီးကတော့ ၄၆ ပေအမြင့်ရှိပြီး ၄၇ တန်တောင်လေးတဲ့စက်ရုပ်ကြီးတစ်ရုပ်ပဲဖြစ်ပါတယ်။

ဒီစက်ရုပ်ကြီးနှစ်ရုပ်ကိုတော့ ၂ နှစ်လောက်အချိန်ယူတည်ဆောက်ခဲ့ကြရပြီး လူသားတွေကထိန်းချုပ်မောင်နှင်ရတဲ့စက်ရုပ်ကြီးတွေပဲဖြစ်ပါတယ်။ 

ဒီစက်ရုပ်ကြီးနှစ်ရုပ်ကိုမောင်းနှင်ဖို့အတွက် ဒါဇန်နဲ့ချီတဲ့ထိန်းချုပ်မောင်းနှင်သူတွေလိုအပ်ပြီး မောင်းနှင်ပြသခဲ့တဲ့အခါမှာလည်း တကယ့်သက်ရှိအကောင်ကြီးတွေသဖွယ် မောင်းနှင်ပြခဲ့တာကြောင့် စိတ်ဝင်တစားရဲ့ရပ်ကြည့်နေကြတဲ့လူတွေကအများကြီးမှအများကြီးပါပဲ။

ဒီစက်ရုပ်ကြီးတွေမောင်းနှင်ပြသထားတဲ့ ဗီဒီယိုတွေပါထည့်သွင်းဖော်ပြပေးထာတာဆိုတော့ ပရိသတ်ကြီးရေ စိတ်ဝင်တစားနဲ့ ကြည့်ရှုလိုက်ကြပါဦးနော်။

Ref DVB and Euronews