သေဆုံးသူပေါင်း ၃၀ နီးပါးရှိနေပြီဖြစ်တဲ့လောက်ကိုင်အကြမ်းဖက်မှု

မတ်လ ၆ရက် နေ့ ကဖြစ်ပွားခဲ့တဲ့ လောက်ကိုင်မြို့ တိုက်ခိုက်ခံရမှုမှာ အရပ်သား ငါးဦး အပါအဝင် အနည်းဆုံး လူပေါင်း ၃၀ သေဆုံးခဲ့ပါတယ်။ အရပ်သား ၅ ဦး၊ ရဲ ၅ ဦးနဲ့ လက်နက်ကိုင်အရေအတွက် ၂၀ လောက် သေဆုံးခဲ့တယ်လို့ BBC သတင်းဌာနမှာဖော်ပြထားပါတယ်။

လောက်ကိုင်မြို့ရဲ့ အဓိကနေရာတချို့ကို လက်နက်ကိုင်အဖွဲ့တွေက မနက် နှစ်နာရီလောက်မှာ တိုက်ခိုက်ခဲ့တာဖြစ်ပြီး ရဲဝတ်စုံတွေ ဝတ်ဆင်ထားပြီး ဝင်ရောက်တိုက်ခိုက်ခဲ့တယ်လို့သိရပါတယ်။ ဒီတိုက်ခိုက်မှုမှာ MNDAA အပြင် မြန်မာပြည်မြောက်ပိုင်းမဟာမိတ်တင်ပေါင်းစုကအခြားတပ်တွေလည်းပါဝင်တယ်လို့ သိရှိရပါတယ်။

အဆိုပါတိုက်ပွဲကြောင့် လောက်ကိုင်မြို့နယ် အမက (လောင်အဲချီ)မှ မူလတန်းပြ ဆရာမတစ်ဦးဖြစ်တဲ့ ဒေါ်ပြာမှီ လည်း သေဆုံးသွားတယ်။ သူမဟာကလေးမီးဖွားခွင့် ယူထားတာကနေ ကျောင်းပြန်တက်တာ လေးရက်လောက်ပဲရှိပါသေးတယ်။

လောလောာဆယ်တော့ တပ်မတော်က လောက်ကိုင်မြို့နယ်ထဲမှာ လုံခြုံရေးဆောင်ရွက်နေပြီး ကျေးရွာနေရာတချို့မှာ ပစ်ခတ်မှု တချို့ဖြစ်ပွားနေဆဲဖြစ်ပါတယ်။ 

သတင်းအရင်းမြစ် BBC Burmese