လိမ်လည်လှည့်ဖြားခဲ့တာကြောင့် ချစ်သူနဲ့လမ်းခွဲလိုက်ပြီဆိုတဲ့ နန်းစု

ပရိသတ်တွေချစ်ခင်အားပေးကြတဲ့ ဆယ်လီစုံတွဲတစ်တွဲဖြစ်တဲ့ အဆိုတော် G-Fatt နဲ့ နန်းစုတို့ရဲ့အချစ်ရေးဟာတော့ ထင်မှတ်မထားတဲ့ အခြေအနေ တစ်ခုကိုပြောင်းလဲသွားခဲ့ပါပြီ။ ရန်ဖြစ်လိုက်ပြန်ချစ်လိုက်အခြေအနေဖြစ်ပေမယ့် ပြီးခဲ့တဲ့မိနစ်ပိုင်းလေးကမှ နန်းစုက သူမရဲ့လူမှုကွန်ယက်မှာ နှစ်ယောက်သားပြတ်ဆဲသွားပြီဖြစ်တဲ့အကြောင်းကိုရေးသားလိုက်တာပဲဖြစ်ပါတယ်။ ဒီကိစ္စနဲ့ပက်သက်ပြီး အားလုံးကဝိုင်းဝန်းမေးမြန်းတာကိုလည်း သူမက ပြန်လည်ဖြေကြားခြင်းမရှိခဲ့ပါဘူး။

ပြီးခဲ့တဲ့ရက်ပိုင်းလောက်က G-Fatt ရဲ့ တစ်ကိုယ်တော်ဖျော်ဖြေပွဲမှာ သူတို့နှစ်ယောက်ကို ပရိသတ်တွေကို အဆိုတော်တွေကပါ ဝိုင်းဝန်းပြီး အကြင်နာပေးခိုင်းခဲ့ပါသေးတယ်။ ချစ်စရာကောင်းတဲ့ဒီစုံတွဲလေးကတော့ အရှည်သည်းပြီး မနမ်းခဲ့ကြပါဘူး။ တစ်ယောက်နဲ့တစ်ယောက် ပြုံးပြုံးရွှင်ရွှင်နဲ့ ပျော်ရွှင်နေပြီးမှ ဒီနေ့မှာဒီလိုစာမျိုးတက်လာခဲ့တာကြောင့် ပရိသတ်တွေကလည်း စိတ်ပူနေကြပါတယ်။ နန်းစုတစ်ယောက် သူမတို့နှစ်ယောက်ပြတ်ဆဲသွားပြီဖြစ်တဲ့အကြောင်းကို " We broke up I can’t stand anymore " ဆိုပြီး တင်ထားတာဖြစ်ပါတယ်။ 

G-Fatt တစ်ယောက် နန်းစုကိုဘယ်လိုတွေစနောက်လိုက်သလဲဆိုတာ သေချာမသိရသေးပေမယ့် နန်းစုကတော့အထင်လွဲနေပုံပါပဲ။ " He cheat on me " ဆိုပြီး သူမရဲ့ပရိသတ်တွေကို ပြန်လည်ပြောပြထားပါသေးတယ်။ ဒါဟာအားလုံးကိုအသိပေးတာဖြစ်ပြီး မကြာခင်ဒီစာကို သူမရဲ့လူမှုကွန်ယက်ကနေ ပြန်လည်ဖယ်ရှားမယ်လို့လည်း သူမကဆိုပါသေးတယ်။ ချစ်စရာကောင်းတဲ့စုံတွဲလေး မကြာခင်ပြန်လည်အဆင်ပြေပြီး အရင်လိုပျော်ရွှင်ရတဲ့အချစ်ကမ္ဘာလေးကို ဆက်လက်တည်ဆောက်နိုင်ပါစေလို့ဆုတောင်းပေးလိုက်ပါတယ်နော်။

Photo - Nansu Yati Soe