ဘာစီလိုနာအသင်းဟာမနေ့ညကချန်ပီယံလိဂ်သမိုင်းမှာအကြီးကြယ်ဆုံးပြန်လာနိုင်မှုကိုလုပ်ဆောင်ပြသွားနိုင်ခဲ့ပြီးလီဗာပူးအသင်းခေါင်းဆောင်ဟောင်းစတီဗင်ဂျာရတ်ကလည်း၎င်းရဲ့ဘဝမှာအံ့ဖွယ်တစ်ဦးချင်းစွမ်းဆောင်ရည်တွေထဲကတစ်ခုကိုမြင်တွေ့ခဲ့ရတယ်လို့ပြောလိုက်ပါတယ်။
ကတ်တလန်ကလပ်ဟာပထမအကျော့၄ဂိုးပြတ််အရှုံးမှပီအက်ဂျီကိုမနေ့ညကနူးကမ့်မှာ၆ဂိုး၁ဂိုးနဲ့မယုံနိုင်ဖွယ်အနိုင်ယူပြခဲ့ကာနှစ်ကျော့ပေါင်းရလဒ် ၆ဂိုး၅ဂိုးနဲ့နောက်တဆင့်ကိုတက်ရောက်သွားခဲ့ပါတယ်။
ဆာဂျီယိုရော်ဘတ်တိုဟာဘာစီလိုနာကိုနောက်တဆင့်တက်ရောက်စေမယ့်အနိုင်ဂိုးကိုသွင်းယူပေးခဲ့ပေမယ့်လည်းမနေ့ညကနိုင်ပွဲအတွက်တကယ့်သူရဲကောင်းကတော့ဘာစီလိုနာတိုက်စစ်မှုးနေမာလို့စတီဗင်ဂျာရတ်ကယုံကြည်နေပါတယ်။
လွန်ခဲ့တဲ့၂၀၀၅ခုနှစ်ကလီဗာပူးချန်ပီယံလိဂ်မှာဗိုလ်စွဲခဲ့စဉ်ကပြိုင်ပွဲသမိုင်းတစ်လျှောက်အံ့ဖွယ်ပြန်လာနိုင်ခဲ့တဲ့ပွဲတွေထဲကတစ်ပွဲကိုဖန်တီးပေးခဲ့သူစတီဗင်ဂျာရတ်က "ကမ္ဘာ့အဆင့်ကစားသမားတွေဆိုတာအလွန်အရေးကြီိးတဲ့အချိန်မှာကြီးကြယ်တဲ့အခိုက်အတန့်တွေဖန်တီးပေးနိုင်ကြပါတယ်။
ဆွာရက်နဲ့မက်ဆီဟာမနေ့ညကပီအက်ဂျီနဲ့ပွဲမှာငြိမ်သက်နေခဲ့ကြပါတယ်။ ဒါပေမယ့်နေမာကတော့ကျွန်တော်မြင်ခဲ့ဖူးသမျှတွေထဲကအကောင်းဆုံးစွမ်းဆောင်မှုတစ်ခုကိုလုပ်ဆောင်ပြသွားခဲ့ပါတယ်။" လို့ပြောသွားပါတယ်။
ဘာစီလိုနာဟာမနေ့ညနူးကမ့်မှာပီအက်ဂျီကိုပွဲချိန်၈၇မိနစ်အထိ၃ဂိုး၁ဂိုးနဲ့သာအနိုင်ရရှိထားတာကြောင့်နောက်ထပ်သုံးဂိုးသွင်းမှနောက်တဆင့်ကိုတက်ရောက်နိူင်မှာဖြစ်ပေမယ့်လည်းနေမာရဲ့ ၈၈ ၉၁ မိနစ်ဂိုးတွေနဲ့အတူပြန်လာနိုင်ခဲ့ပြီးနာကျင်အချိန်ပိုနောက်ဆုံးမိနစ်မှာတော့ဆာဂျီယိုရော်ဘတ်တိုကနောက်တဆင့်တက်ရောက်စေမယ့်ဂိုးသွင်းယူပေးခဲ့ကာချန်ပီယံလိဂ်သမိုင်းရဲ့ကြီးကြယ်လှတဲ့အောင်ပွဲတစ်ခုကိုရယူနိုင်ခဲ့ပါတယ်။
Ref: Marca
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
