သားဖြစ်သူရဲ့မွေးနေ့မှာ အမှတ်တရအလှူတစ်ခုပြုလုပ်ပေးခဲ့တဲ့ ဒါရိုက်တာသားညီ

သရုပ်ဆောင်ပိုင်းမှာ ကျွမ်းကျင်ပိုင်နိုင်သူတစ်ယောက်ဖြစ်ပြီး ဝါရင့်သရုပ်ဆောင်ကြီးတွေဖစ်တဲ့ ဦးကျော်ဟိန်း၊ ဒွေးတို့နဲ့လည်း အမျိုးတော်စပ်တဲ့ ဒါရိုက်တာသားညီရဲ့ ရုပ်ရှင်တွေကိုတော့ ပရိသတ်များစွာလည်း ကြည့်ရှု့ဖူးမယ်ထင်ပါတယ်။ သရုပ်ဆောင်ပိုင်းမှာ ထူးချွန်သူတစ်ယောက်ဖြစ်တဲ့အပြင် ဒါရိုက်တာဘဝမှာလည်း သူမတူအောင် လုပ်ဆောင်နိုင်တာကြောင့် ပရိသတ်တွေကြားရေပန်းစားလျှက်ရှိတာတွေ့ရပါတယ်။  

အလုပ်နဲ့ ဝါသနာကို အလေးပေးပေမယ့် မိသားစုပျော်ရွှင်စရာလေးတွေကိုလည်း အမြဲဖန်တီးပေးလျှက်ရှိတာတွေ့ရပါတယ်။ ဒီကနေ့ ဒီဇင်ဘာလ ၁၀ရက်နေ့မှာ သားညီကတော့ သားဖြစ်သူ မောင်လင်းမာန်ရဲ့ ၁၀ နှစ်ပြည့်မွေးနေ့အမှတ်တရလေးတွေပြုလုပ်ပေးထားတာတွေ့ရပါတယ်။ အဆိုပါ အမှတ်တရလေးတွေထဲမှာ မွေးနေ့ဆုတောင်းပေးခြင်းအပြင် အမှတ်တရအလှူတစ်ခုအဖြစ် ရန်ကုန်မြို့အထင်ကရနေရာတစ်ခုဖြစ်တဲ့ ရွှေတိဂုံစေတီတော်ပေါ်တွင်လည်း ကုသိုလ်ကောင်းမှုတွေပြုလုပ်ပေးခဲ့တာတွေ့၇ပါတယ်။  

အဆိုပါ အလှူလေးနဲ့ ပတ်သက်ပြီး သားညီကတော့

" ဆရာကြီး

10 နှစ်ပြည့်မွေးနေ့ အတွက်

ရွှေတိဂုံ စေတီတော်မြတ်ကြီးမှာ

- ရွှေသင်္ဃန်း ကပ်လှူခြင်း

- သံဃာ ၁၀ ပါး နေ့ဆွမ်းကပ်လှူခြင်း

- ရင်ပြင်တော်ကျောက်ပြား ၁၀ ချပ် လှူဒါန်းခြင်း

- ခိုစာ ငါးစာ ကျွေးခြင်း စတဲ့

တတ်နိုင်သလောက်လေး ကုသိုလ်ပြုခဲ့ပါတယ် ...

ပြုသမျှ ကုသိုလ်

ခုနှစ်ရက် ရှစ်နေ့နံ

သားသမီးတွေကို အမျှ ပေးပါတယ် ခင်ဗျာ ...

မောင်လင်းမာန်" ဟူ၍ သားဖြစ်သူနာမည်ဖြင့် လှူဒါန်းခဲ့တာတွေ့ရပါတယ်။ ဖခင်ကောင်းတစ်ယောက်တာဝန်ကို အကောင်းဆုံးလုပ်ဆောင်ပြခဲ့တဲ့ ဒါရိုက်တာသားညီရဲ့ ဒီကနေ့ ပုံရိပ်လေးတွေကို ချစ်ပရိသတ်တွေအတွက် မျှဝေပေးလိုက်ပါတယ်။

pHOTOS - THAR NYI