ချစ်ရတဲ့ဖေဖေ နဲ့အတူ ငယ်ဘဝလေးကို ပြန်လည် မြင်ယောင်သွားစေမယ့်ချစ်စရာ ဒီဇိုင်းလေးနဲ့ ပွဲတက်ခဲ့တဲ့ ဖွေးစိန်လေး

ပြည်သူ့ အချစ်တော် ဖွေးစိန်လေးကတော့ ရုပ်ရှင်ဇာတ်ကားကြီးတွေကို မနားတမ်းရိုက်ပြီး ပရိတ်သတ်တွေနဲ့ အဆက်အသွယ်မပြတ်တဲ့ သူလေးဖြစ်ပါတယ်။ ထွက်ရှိသမျှရုပ်ရှင်ဇာတ်ကားတိုင်မှာ အောင်မြင်မှုများစွာကို ရရှိထားတာကိုလည်း ပရိတ်သတ်တွေ မျက်မြင်တွေ့မြင်နိုင်ပါတယ်။ ကလေးတစ်ယောက်လိုချစ်စရာကောင်းတဲ့ ဖွေးစိန်လေးက ခုနောက်ပိုင်းအလုပ်တွေကိုသာဖိလုပ်လာတာလည်း ပရိတ်သတ်တွေ မြင်တွေ့ရမှာပါ။

အလုပ်တွေကို ကြိုးစားလုပ်နေတဲ့ ဖွေးလေး ကတော့ ကြိုးစားမှုရဲ့ ရလဒ်တွေအတွက် " သမ္မတကြီးထံ သို့ ပေးစာ " ရုပ်ရှင်ဇာတ်ကားကြီးမှာ ဂုဏ်ပြုဆုတွေကိုလည်းရရှိခဲ့ ပါတယ်နော်။ ယခုနောက်ထပ် ရုပ်ရှင်ဇာတ်ကားကြီးဖြစ်တဲ့ " ရည်းစားတစ်ဝမ်းကွဲ " ရုပ်ရှင်ဇာတ်ကားကြီးမှာ ဖွေးစိန်လေးနဲ့ အလိုက်ဆုံး ဇာတ်ကောင်ပုံစံလေးနဲ့ ချစ်စရာကောင်းအောင် သရုပ်ဆောင်ထားတဲ့ ဖွေးစိန်လေးကို ပရိတ်သတ်တွေ တွေ့မြင်ရမှာဖြစ်ပါတယ်။

ဖွေးစိန်လေးကတော့ သူမ အရမ်းသရုပ်ဆောင်ချင်ခဲ့တဲ့ ဇာတ်ကောင်နေရာလေးကို သရုပ်ဆောင်ရတာကြောင့် ငယ်ဘဝလေးတွေကိုလည်း ပြန်အမှတ်ရမိပါတယ် လို့ ပြောပါတယ်။ ပရိတ်သတ်ကြီးတွေ အရမ်းကို ကြည့်ချင်နေတဲ့ အချစ် ဟာသ ဒရမ်မာ ဇာတ်ကားလေးဖြစ်တဲ့ " ရည်းစားတစ်ဝမ်းကွဲ " ရုပ်ရှင်ဇာတ်ကားကြီးရဲ့ စာနယ်ဇင်းမိတ်ဆက် ပွဲလေးကို ချစ်ရတဲ့ ဖေဖေနဲ့ အတူ တက်ရောက်ခဲ့တဲ့ ပုံရိပ်လေးတွေကို ပရိတ်သတ်တွေ အတွက်တင်ပေးလိုက်ပြီနော်။ စိုင်းစိုင်း ပရိတ်သတ်တွေကော ဖွေးစိန်လေးရဲ့ ပရိတ်သတ်တွေကော ရုပ်ရှင်ဇာတ်ကားလေး ရုံတင်ရင် ဝန်းရံလိုက်ပြပါအုံးနော်..။

Source:Phway Phway