Hip Pop ကြိုက်သူတွေအတွက် အကြီးကျယ်ဆုံး Hip Pop Show ကြီးကို ရန်ကုန်မြို့မှာကျင်းပတော့မှာပါ ။ UnDerDawg Festival မှာ ကမ္ဘာကျော် အဆိုတော် Soulja Boy ကိုယ်တိုင်လာရောက်ဖျော်ဖြေမှာဖြစ်ပါတယ် ။ အခြား နိုင်ငံတကာမှာထင်ရှားကျော်ကြားတဲ့ နာမည်ကျော်အဆိုတော်များအပြင် စိတ်ဝင်စားစရာကတော့ Kpopper တွေ အတွက်လဲ ဝမ်းသာစရာသတင်းတစ်ခုရှိနေပါတယ် ။ အဲဒါကတော့ နိုုင်ငံတကာအသိအမှတ်ပြု K-POP လောကရဲ့ဘုုရင်မဟုု တင်စားခံရသူကိုုပါ UnDerDawg စင်မြင့်မှာ တွေ့မြင်နိုင်မယ့်အခွင့်အရေးပါတဲ့ ။ ဘယ်သူများဖြစ်နေမလဲ ?
K-POP အားပေးသူပရိတ်သတ်အားလုံးလိုလိုကတော့ အဲဒီဘုရင်မက မကြာသေးခင်က အဖွဲ့ကွဲသွားပြီး တစ်ကိုယ်တော် အနုပညာလှုပ်ရှားမှုတွေပြုလုပ်နေတဲ့ 2NE1 အဖွဲ့ဝင်ဟောင်း CL ပဲဖြစ်လိမ့်မယ်လို့ ကြိုတင်ခန့်မှန်းနေကြပါတယ် ။ CL ဟာ ယခင် 2NE1 အဖွဲ့မှာ ဒုတိယအသက်အငယ်ဆုံးသူဖြစ်ပေမယ့် အဖွဲ့ခေါင်းဆောင်အဖြစ်တာဝန်ယူခဲ့ရသူပါ ။ နိုင်ငံတကာ အနုပညာရှင်တွေထဲ တန်းဝင်တဲ့ Kpop Singer တစ်ဦးလဲ ဖြစ်ပါတယ် ။ ဘာသာစကားကျွမ်းကျင်မှု အရည်အချင်းရှိမှုတွေက သူမရဲ့ အမှတ်အသားတွေပါ ။ အောင်မြင်မှုသက်တမ်းကိုရှည်ကြာစွာထိန်းသိမ်းထားနိုင်တဲ့ CL ကမြန်မာနိုင်ငံကို 2NE1 အဖွဲ့နဲ့ အတူ တစ်ခါ လာရောက်ဖျော်ဖြေခဲ့ပြီးပါပြီ ။ တကယ်ပဲ သူပဲလား ... အတိအကျကိုတော့ မကြာခင်မှာပဲ သတင်းထပ်မံထုတ်ပြန်ပေးတော့မှာဖြစ်ပါတယ် ... ။ တကယ် CL သာဆိုရင်တော့ ပထမတစ်ခါ Show ပွဲမှာပြောခဲ့တဲ့ " မြန်မာပြည်ကို တစ်ခေါက်ပြန်လာပါဦးမယ် " ဆိုတဲ့ သူမရဲ့ ကတိကို့ ဖြည့်ဆည်းလိုက်နိုင်တော့မှာပါ ... ။ ပထမဆုံးအကြိမ်ဖြစ်တဲ့ နိုင်ငံတကာအဆင့်မှီကြီးကျယ်တဲ့ Hip Pop Show ပွဲကြီးကို ဘယ်လိုတွေစီစဉ်ထားလဲဆိုတာ ပရိတ်သတ်တွေကတော့ စိတ်ဝင်တစားစောင့်ကြည့်နေကြတုန်းပါပဲ ... တကယ်လာမလာတရားဝင်မသိရသေးပေမယ့် မျှော်နေကြတဲ့ CL ရဲ့ပရိတ်သတ်တွေအတွက် သူမရဲ့ပုံရိပ်လေးတွေကိုစုစည်းဖော်ပြပေးလိုက်ပါတယ်
Source : Helping-Hands Project
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
