ဘောလုံးကန်တာတော်လို့ရိုဂျိုကိုဌက်ပျောသီးကျွေးခဲ့တာလားမော်ရင်ဟို?
ဒီနေ့မနက်ပိုင်းကမန်ချက်စတာယူနိုက်တက်အသင်းရဲ့အိုးထရက်ဖို့ဒ်ကွင်းမှာမန်ယူနဲ့ရော့စတော့အသင်းတို့ယူရိုပါလိဂ်ရုံးထွက်အဆင့်ကိုယှဉ်ပြိုင်ကစားသွားကြပါတယ်။
မန်ယူနည်းပြမော်ရင်ဟိုဟာပွဲချိန်မိနစ်၇၀ကျော်လောက်မှာထူးထူးဆန်းဆန်းကိစ္စတစ်ခုကိုပြုလုပ်ခဲ့ပါတယ်။ဌက်ပျောသီးတစ်လုံးကိုအခွံနွာခဲ့ပြီးအသင်းရဲ့နောက်ခံလူတစ်ဦးဖြစ်တဲ့မားကို့ရိုဂျိုကိုကျွေးခဲ့ပါတယ်။ကွင်းဘေးစည်းမှာသွေးပူလေ့ကျင့်ခန်းလုပ်နေတဲ့အက်ရ်ှလေယန်းကိုလက်ယပ်ခေါ်ပြီးကွင်းထဲမှာကစားနေတဲ့ရိုဂျိုကိုအခွံနွာထားတဲ့ဌက်ပျောသီးပေးခိုင်းခဲ့တာပါ။ရိုဂျိုကလည်းချက်ချင်းဆိုသလိုဌက်ပျောသီးကိုပလုပ်ပလောင်းစားခဲ့ပါတယ်။ဒီအဖြစ်အပျက်ကိုမြင်တွေ့ခဲ့ရတဲ့မန်ယူပရိသတ်တွေကငိုအားထက်ရယ်အားသန်ဖြစ်ခဲ့ကြရပါတယ်။
တစ်ချို့ကရိုဂျိုဘောလုံးကစားတာကောင်းလို့မော်ရင်ဟိုကဌက်ပျောသီးကျွေးတာလို့အရွှန်းဖောက်ခဲ့ကြပါတယ်။
တကယ်အဖြစ်မှန်ကဒီလိုပါ။
ချယ်ဆီးနဲ့ကစားခဲ့ရလို့ပွဲပန်းနေတဲ့ရိုဂျိုဟာ ကြွက်တက်ချင်သလိုဖြစ်နေခဲ့တာပါ။အဲ့ဒီအတွက်ကြွက်မတက်အောင်ပိုတက်ဆီယမ်ဓာတ်ပါတဲ့ဌက်ပျောသီးကိုမော်ရင်ဟိုကကျွေးခဲ့တာပါ။ရိုဂျိုဘောလုံးကန်တာကောင်းလို့ကျွေးတာမဟုတ်ဘူးနော်ပရိသတ်ကြီးရေ။
Source-goal .com
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
