မေမေ အငြိမ့်ကနေတာကို အနောက်ကနေ အားရပါးရအားပေးခဲ့တဲ့ မိုးယုစံသားလေးရဲ့ ချစ်စရာဗီဒီယိုဖိုင်လေး

မော်ဒယ်၊ သရုပ်ဆောင် မင်းသမီးချောလေး မိုးယုစံကတော့ ချစ်စရာကောင်းတဲ့ အပြုံးလှလှလေးတွေနဲ့ ပရိသတ်တွေကို ဖမ်းစားတတ်သူလေး ဖြစ်ပါတယ်။ ကြော်ငြာ၊ ဗီဒီယိုနဲ့ ရုပ်ရှင်ဇာတ်ကားတွေများစွာမှာ ပါဝင်သရုပ်ဆောင်ခဲ့တဲ့ မိုးယုက အခုချိန်မှာတော့ အနုပညာအလုပ်တွေကို အနည်းငယ်သာ လုပ်ကိုင်တော့တာ တွေ့ရပါတယ်။ အရမ်းကိုချစ်စရာကောင်းတဲ့ သားချောလေးကို ပိုင်ဆိုင်ထားတဲ့ မိုးယုက သူမရဲ့အချိန်တွေကို သားလေးအတွက် အပြည့်အဝပေးပြီး ဂရုစိုက်ပေးနေတာ ဖြစ်ပါတယ်။

မကြာသေးခင်က ပြုလုပ်ကျင်းပခဲ့တဲ့ နှင်းဆီအဖွဲ့သားတွေရဲ့ " နှင်းဆီပုဝါခြုံတဲ့လက် " အငြိမ့်ဖျော်ဖြေပွဲကြီးမှာ မိုးယုက မင်းသမီးတစ်ဦးအဖြစ် ပါဝင်ကပြခဲ့ပါတယ်။ ဒီပွဲလေးမှာတော့ မိုးယုကို ကလေးမိခင်လို့ မထင်ရလောက်အောင် ကျော့ရှင်းလှပတဲ့ အငြိမ့်မင်းသမီးလေးတစ်ဦးအသွင်နဲ့ ပြန်လည်မြင်တွေ့ခဲ့ရပါတယ်။ မေမေမိုးယုရဲ့ အငြိမ့်ပွဲလေးကိုတော့ သားလေး ကောင်းသိင်္ခမိုးသူကလည်း သွားရောက်ပြီး အားပေးခဲ့ပါတယ်။

အခုလည်း မိုးယုက အငြိမ့်ပွဲတုန်းက သူမတို့သားအမိနှစ်ယောက်ရဲ့ အမှတ်တရပုံရိပ်လေးတွေကို " မာမီ အငြိမ့်ကတုန်းက ချစ်သားလေးပုံတွေ ခုမှပဲတင်ဖြစ်တော့တယ် " ဆိုပြီး တင်ပေးထားပါတယ်။ ဒါ့အပြင် မိုးယုသားလေးက အငြိမ့်ပွဲက တီးလုံးသံနဲ့အတူ အပြေးလေးလိုက်ကရင်း ပျော်ပျော်ရွှင်ရွှင်နဲ့ အားရပါးရ အားပေးနေတာလေးက အရမ်းကို ချစ်စရာကောင်းနေတာလည်း တွေ့ရပါတယ်။ ကဲ ချစ်ပရိသတ်တွေအတွက် " နှင်းဆီပုဝါခြုံတဲ့လက် " ပွဲလေးက မိုးယုစံနဲ့ သားလေးတို့ရဲ့ ကြည်နူးစရာပုံရိပ်နဲ့ ဗီဒီယိုဖိုင်လေးကို တင်ဆက်ပေးလိုက်ပါတယ်နော်။

Source:Kaung Theinkha Moe Thu;