မြန်မာ ယူ - ၁၆ ဘောလုံးအသင်း သြစတေးလျနိုင်ငံတွင် ခြေစမ်းပွဲကစားရန်ပြင်ဆင်

မြန်မာယူ - ၁၆ အမျိုးသမီးအသင်းသည် လာမည့်ဖေဖော်ဝါရီလ ၉ ရက်နေ့ကနေ ၁၉ ရက်နေ့အထိ သြစတေးလျနိုင်ငံသို့သွားရောက်လေ့ကျင့်မည်ဖြစ်ပြီး ခြေစမ်းပွဲနှစ်ပွဲကစားရန်စီစဉ်ထားကြောင်း မြန်မာယူ - ၁၆ အမျိုးသမီးနည်းပြ ဒေါ်စန်းစန်းသိန်းထံမှ သိရပါတယ် ။ သြစတေးလျနိုင်ငံတွင် မြန်မာ ယူ -၁၆ ဘောလုံးအသင်းသည် သြစတေးလျ ယူ - ၁၆ ဘောလုံးအသင်းအပါအဝင် လူငယ်အမျိူးသမီးအသင်းတစ်သင်းနှင့် မြန်မာနိုင်ငံဘောလုံးအဖွဲ့ချုပ်က စီစဉ်ထားပါတယ်။ 

အာရှ ယူ - ၁၆ ဘောလုံးပြိုင်ပွဲ ဒုတိယအဆင့်ခြေစစ်ပွဲသို့ မြန်မာ ယူ - ၁၆ အမျိုးသမီးအသင်းအပါအဝင် သြစတေးလျ၊ တရုတ်၊ ဗီယက်နမ်၊ လာအို ၊ အီရန်၊ ဘင်္ဂလားဒေ့ရှ်နှင့် ဖိလစ်ပိုင်အသင်းတို့တက်ရောက်နိုင်ခဲ့ပြီး လေးသင်းအုပ်စုခွဲကာ ယှဉ်ပြိုင်ကစားမှာပဲ ဖြစ်ပါတယ် ။ မြန်မာ ယူ - ၁၆ အမျိုးသမီးအသင်းသည် အုပ်စု(ခ)တွင် တရုတ်၊ ဖိလစ်ပိုင်၊ ဘင်္ဂလားဒေ့ရှ်အသင်းတို့နှင့် အတူတူကျရောက်လျက်ရှိပြီး အုပ်စုတွင်းပွဲစဉ်များကို မြန်မာနိုင်ငံက အိမ်ရှင်လာမည့်ဖေဖော်ဝါရီလ ၂၇ ရက်မှ မတ်လ ၃ ရက်ထိ မန္တလေးမြို့ရှိ မန္တလာသီရိအားကစားကွင်းတွင် ကျင်းပသွားမည် ဖြစ်ပါတယ်။

မြန်မာ ယူ - ၁၆ အမျိူးသမီးအသင်းသည် အုပ်စုအဖွင့်ပွဲစဉ်အဖြစ် လာမည့် ဖေဖော်ဝါရီ ၂၇ ရက်တွင် တရုတ်အသင်းနှင့်လည်းကောင်း မတ်လ ၁ ရက်နေ့တွင် ဘင်္ဂဘားဒေ့ရှ်အသင်းနှင့်လည်းကောင်း၊ မတ်လ ၃ ရက်နေ့တွင် ဖိလစ်ပိုင်အသင်းနှင့်လည်းကောင်း ယှဉ်ပြိုင်ကစားသွားမည်ဖြစ်ကြောင်း သိရပါတယ်။

Source - Myanmar Football Federation