ဗလင်စီယာအသင်းကို အဌားချထားသည့် ဘက်ရှူဝါယီကို မိုနာကိုအသင်းသို့စေလွှတ်မည့်အစီအစဉ် ချဲလ်ဆီးလ်အသင်းပိတ်ပင်

ချဲလ်ဆီးလ်အသင်းမှ ဗလင်စီယာအသင်းတွင် အဌားစာချုပ်ဖြင့် ဘက်ရှူဝါယီကို မိုနာကိုအသင်းက အဌားစာချုပ်ဖြင့်ခေါ်ယူရန် ကမ်းလှမ်းမှုပြုလုပ်ခဲ့သော်လည်း ချဲလ်ဆီးအသင်းကအပြီးသတ် ရောင်းချလိုနေသောကြောင့် အဌားစာချုပ်ဖြင့် စေလွှတ်မည့်အစီအစဉ်ကိုပိတ်ပင်ခဲ့ကြောင်း သိရသည်။  

ဗလင်စီယာအသင်းက ဘက်ရှူဝါယီကို အဌားစာချုပ်မပြည့်မီ ချဲလ်ဆီးအသင်းထံပြန်လည်စေလွှတ်ချင်သော်လည်း ချဲလ်ဆီးအသင်းကနေရာမပေးနိုင်သည့်အတွက် ဗလင်စီယာအသင်းနှင့်ချုပ်ဆိုထားသော အဌားစာချုပ်သက်တမ်းအရ ဆက်လက်ကစားစေမည်ဖြစ်သည်။ ချဲလ်ဆီးအသင်းက ဘက်ရှူဝါယီကို အခြားအသင်းများထံထပ်မံ၍ အဌားစာချုပ်ဖြင့်ကစားခွင့်ပြုတော့မည်မဟုတ်ပဲ အပြီးသတ်ရောင်းချရန် ဆန္ဒရှိနေတာပဲ ဖြစ်ပါတယ်။ 

မိုနာကိုအသင်း ဒုတိယဥက္ကဌက “ ဘက်ရှူဝါယီကို ဗလင်စီယာအသင်းကနေ ရာသီအကုန်အထိ အဌားစာချုပ်နဲ့ခေါ်ယူသွားဖို့ သဘောတူညီမှုရရှိထားပါတယ်။ ဒါပင်မဲ့ ချဲလ်ဆီးအသင်းက အပြောင်းအရွှေ့ကို ပိတ်ပင်ခဲ့ပါတယ်။ ချဲလ်ဆီးအသင်းကသူ့ကို အဌားစာချုပ်နဲ့မဟုတ်ပဲ အပြီးသတ်ခေါ်ယူမယ်ဆိုရင် ခွင့်ပြုမယ်လို့ သိရပါတယ်။ ကျွန်တော်တို့ဘက်က အပြီးသတ်ခေါ်ယူသွားဖို့ အခက်အခဲရှိနေပါတယ်။ ဘာတွေဖြစ်လာမလဲဆိုတာကတော့ စောင့်ကြည့်သွားရမှာပဲ " လို့ပြောကြားခဲ့တာပဲ ဖြစ်ပါတယ်။

Source - Goal.com