ဘာစီလိုနာနောက်ခံလူဂါရက်ပီကေးကအာဂျင်တီးနားကြယ်ပွင့်လီယွန်နယ်မက်ဆီကိုချီးကျူးပြောဆိုလိုက်ပြီး၎င်းရဲ့အသင်းဖော်ဖြစ်သူရဲ့စွမ်းဆောင်မှုတွေဟာအနာဂတ်မှာအခြားကစားသမားတစ်ဦးလိုက်မှီဖို့ခက်ခဲလှတယ်လို့ပြောဆိုလိုက်ပါတယ်။
မက်ဆီဟာမနေ့ညကဗလင်စီယာအသင်းကို၄ဂိုး၂ဂိုးနဲ့အနိုင်ရရှိခဲ့တဲ့ပွဲမှာဘာစီလိုနာအတွက်သွင်းဂိုး၂ဂိုးရယူပေးနိုင်ခဲ့ပြီးဘာကာဟာလာလီဂါအမှတ်ပေးဇယားမှာဦးဆောင်နေတဲ့ရီရဲယ်မက်ဒရစ်အသင်းကိုဒုတိယနေရာကနေဆက်လက်ဖိအားပေးထားနိုင်ခဲ့ပါတယ်။
အာဂျင်တီးနားတိုက်စစ်မှုးမက်ဆီဟာလာလီဂါဂိုးသွင်းသူဇယားမှာသွင်းဂိုး၂၅ဂိုးနဲ့ထိပ်ဆုံးမှာဦးဆောင်နေပြီးဒီရာသီဘာစီလိုနာအသင်းအတွက်ပြိုင်ပွဲစုံ ၄၀ပွဲမှာသွင်းဂိုး၄၁ဂိုးထိရရှိနေကာ၎င်းရဲ့အကောင်းဆုံးနောက်ထပ်ရာသီတစ်ခုကိုရရှိနေပါတယ်။
ထို့ကြောင့်ပီကေးက၎င်းရဲ့အသက်၂၉နှစ်အရွယ်အသင်းဖော်နဲ့ပက်သက်ပြီး "ကျွန်တော်တို့ဟာဘောလုံးသမိုင်းတစ်လျှောက်အကောင်းဆုံးကစားသမားတစ်ဦးကိုမြင်တွေ့နေရတာပါ။ သူဒီလိုပုံစံကောင်းပြသနေတာဟာကျွန်တော်တို့အတွက်ဖြစ်နေကြကိစ္စလိုပဲဖြစ်နေပြီးဘာစီလိုနာအတွက်ဒါဟာပုံမှန်ပါပဲ။
ဒါပေမယ့်ကျွန်တော်တို့သိထားကြတဲ့အတိုင်းသူတစ်နေ့ကစားသမားဘဝကအနားယူသွားတဲ့အခါဒီလိုအရာတွေကိုထပ်မံလုပ်ပြနိုင်မယ့်ကစားသမားမျိုးထပ်မံမြင်တွေ့ဖို့ဆိုတာအလွန်ကိုခက်ခဲသွားပါပြီ။" လို့ပြောဆိုသွားပါတယ်။
ဆက်လက်ပြီးပီကေးကခါးသီပြိုင်ဘက်ရီးရဲယ်မက်ဒရစ်အသင်းဟာလက်ရှိအချိန်မှာတစ်ပွဲလျော့ကစားကာဒုတိယနေရာမှဘာစီကို၂မှတ်ဖြတ်ထားနိုင်ပေမယ့်ပွဲတွေအများကြီးကစားဖို့ကျန်နေသေးပြီးရမှတ်ကွာဟမှုကျဉ်းမြောင်းတာကြောင့်လာလီဂါဆုဖလားရရှိဖို့ဟာအလွန်ဖြစ်နိုင်တဲ့ကိစ္စလို့ယုံကြည်လျက်ရှိျနပါတယ်။
Ref: Marca
Photo: Getty Images
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။