ကမ္ဘာကလေးစားရတဲ့ မြန်မာပြည်ဖွားအဖြစ်သတ်မှတ်ခံလိုက်ကတဲ့အောင်သူ

ထိုင်းပရီးမီးယားလိဒ်ကလပ်မြောင်တောင်အသင်းမှာကစားနေတဲ့မြန်မာ့လက်ရွေးစင်ကစားသမားအောင်သူကတော့နှစ်သစ်မှာကံကောင်းခြင်းတွေနဲ့စတင်ခဲ့ပါပြီ။အောင်သူကတော့ကဏ္ဌအသီးက ထူးချွန်ထက်မြက်သူတွေကို ရွေးချယ်ဆုချီးမြှင့်တဲ့ Pride of Myanmar Awards 2018 မှာ "ကမ္ဘာကလေးစားရတဲ့ မြန်မာပြည်ဖွား” များစာ

င်းထဲမှာပါပြီးဆုရခဲ့တာဖြစ်ပါတယ်။

အဆိုပါပွဲလေးကတော့နယ်ပယ်အရပ်ရပ်မှာတော်နေတဲ့သူတွေကိုဆုချီးမြှင့်တဲ့အခမ်းအနားပဲဖြစ်ပါတယ်။အဲ့လိုနယ်ပယ်တွေထဲမှာမှမြန်မာအသင်းရဲ့အဓိကကစားသမားပရိသတ်အချစ်တော်အောင်သူပါပါဝင်ခဲ့တာပါ။အောင်သူကတော့မြန်မာယူ၁၉အသင်းကိုယူ၂၀ကမ္ဘာဖလားဝင်ခွင့်ရအောင်ဂိုးပံ့ပိုးပေးနိုင်တဲ့သူလည်းဖြစ်ပါတယ်။

အသက်ငယ်ငယ်လေးနဲ့နိုင်ငံအသင်းမှာပါဝင်ကစားရပြီးထိုင်းလိဒ်ကိုလည်းလစာမြင့်မားစွာနဲ့ပြောင်းရွေ့ရတဲ့ကစားသမားတစ်ယောက်ဖြစ်ပါတယ်။သူကတော့ခုမှာလည်းမြောင်တောင်အသင်းမှာခြေစွမ်းပြနေတာဖြစ်ပြီးထိုင်းပရိသတ်တွေရဲ့အချစ်ကိုသိမ်းပိုက်ထားတာဖြစ်ပါတယ်။ဒီထက်ပိုပြီးအောင်မြင်မှုတွေကိုလည်းရယူနိုင်ပါစေလို့ဆုတောင်းပြီး သူ့ကိုဂုဏ်ပြုစကားလေးတွေနဲ့အားပေးကြဖို့ဖိတ်ခေါ်လိုက်ပါတယ်။

Source:Pride Of Myanmar Award