ချောင်ဘူရီအသင်းအတွက်အရေးပါတဲ့သွင်းဂိုးတစ်ဂိုးသွင်းပေးနိုင်ခဲ့တဲ့ ဇော်မင်းထွန်း

မြန်မာ့လက်ရွေးစင်အသင်းရဲ့အဓိကနောက်ခံလူတစ်ယောက်ဖြစ်တဲ့ဇော်မင်းထွန်းကတော့ဒီနှစ်ဘောလုံးရာသီမှာထိုင်းလိဒ်ကလပ်ချောင်ဘူရီမှာကစားတော့မှာဖြစ်ပါတယ်။ရန်ကုန်ယူနိုက်တက်အသင်းမှာလည်းခြေစွမ်းပြပြီးအောင်မြင်မှုတွေယူပေးနိုင်တဲ့နောက်ခံ ခံစစ်မှူးတစ်ယောက်လည်းဖြစ်ပါတယ်။သူကတော့အသင်းအတွက်အရေးပါတဲ့ဂိုးတွေကိုသွင်းယူပေးနိုင်တဲ့သူလည်းဖြစ်ပါတယ်။

နောက်လမှာထိုင်းပရီးမီးယားလိဒ်ပြိုင်ပွဲကြီးကစတင်မှာဖြစ်တာကြောင့်ချောင်ဘူရီအသင်းကခြေစမ်းပွဲတွေကစားပြီးပြင်ဆင်နေတာဖြစ်ပါတယ်။ခြေစမ်းပွဲတိုင်းမှာလည်းဇော်မင်းထွန်းကပါဝင်ကစားခွင့်ရတာဖြစ်ပါတယ်။ချောင်ဘူရီအသင်းမှာလည်းဇော်မင်းထွန်းနဲ့တူတူမြန်မာအသင်းရဲ့အဓိကကွင်းလယ်လူစည်သူအောင်ပါသွားရောက်ကစားနေတာဖြစ်ပါတယ်။တစ်သင်းထဲမှာနိုင်ငံလက်ရွေးစင်ကစားသမား၂ယောက်ရှိတာကြောင့်ဇော်မင်းထွန်းအတွက်တော့အားတက်စရာပဲဖြစ်ပါတယ်။

ချောင်ဘူရီအသင်းကတော့ရာသီကြိုအနေနဲ့ခြေစမ်းပွဲတွေကစားပြီးပြင်ဆင်နေတာဖြစ်ပါတယ်။မကြာသေးခင်ကလည်း J league Asia Challenge 2019မှာအနိုင်ယူပြီးရာသီသစ်မတိုင်ခင်ဖလားတစ်လုံးရပြီးအောင်မြင်မှုစတင်နိုင်ခဲ့ပါတယ်။ခုလည်းခြေစမ်းပွဲတွေကစားပြီးPort Fcအသင်းကို(၂-၅)ဂိုးနဲ့ရှုံးနိမ့်ခဲ့ပါတယ်။အဲ့ပွဲစဉ်မှာတော့ဇော်မင်းထွန်းက၈၈မိနစ်မှာခြေပဂိုးတစ်ဂိုးသွင်းယူပေးနိုင်ခဲ့တာပါ။နောက်ခံကစားသမားအနေနဲ့အသင်းအတွက်အရေးပါတဲ့ဂိုးတွေသွင်းယူနိုင်တာကြောင့်ပရိသတ်တွေရဲ့ချီးကျူးမှုကိုခံနေရပါတယ်။

Source:Chonburi FC