နေလောင်ထားတဲ့ အသားအရေကို အမြန်ဆုံး သက်သာလာအောင် ဘယ်လို ကုသမလဲ

ပရိသတ်ကြီးရေ... ယခုနောက်ပိုင်းမှာဆိုရင် နေရဲ့ အလင်းရောင်မှာ ခရမ်းလွန်ရောင်ခြည်ဓာတ်တွေများစွာပါဝင်လာတာကြောင့် ကျွန်ုပ်တို့ရဲ့ အသားအရေတွေကို ပိုပြီးတော့ အလွယ်တကူပျက်စီးစေနိုင်ပါတယ်။ နေက တဆင့်ရရှိတဲ့ ခရမ်းလွန်ရောင်ခြည်နဲ့ တိုက်ရိုက်ထိတွေ့မိတဲ့ အသားအရေအများစုက ပြန်ပီးကုသဖို့ မလွယ်တဲ့ နေလောင်ခြင်းတွေအပြင် အသားအရေလောင်ကျွမ်းပျက်စီးခြင်းတွေကိုလည်း ဆိုးရွားစွာ ဖြစ်ေ်ပါ်ခံစားရစေနိုင်ပါတယ်။ ဒါကြောင့် နေလောင်တဲ့ ဝေဒနာကို စပြီးခံစားရပြီဆိုရင် အလျင်မြန်ဆုံးကုသနိုင်ဖို့ အရေးကြီးပါတယ်။

နေလောင်ပြီဆိုရင်...

- အသားအရေ နီမြန်းလာခြင်း

- ရောင်ရမ်း နာကျင်လာခြင်း

- အသားအရေ မညီတော့ခြင်း

- အရေပြား အလွှာလိုက်ကွာကျခြင်းတို့ကို ဖြစ်ပွားစေနိုင်ပါတယ်။

ဘယ်လိုကာကွယ်ကြမလဲ...

အတတ်နိုင်ဆုံးကတော့ နေပူထဲကို မထွက်တာအကောင်းဆုံးပါပဲ။ မနက်ခင်းနေက ရောဂါပိုးတွေကို သေစေပေမယ့်လည်း မနက် ၉နာရီနောက်ပိုင်းနေရောင်ခြည်ကတော့ ခရမ်းလွန်ရောင်ခြည်ဓာတ်တွေများတာကြောင့် အသားအရေကို မထိမိအောင် ဂရုစိုက်သင့်ပါတယ်။ အသားအရေကို ကာကွယ်ပေးနိုင်မယ့် လုံလုံခြုံခြုံဖြစ်စေမယ့် အဝတ်အစားတွေကိုလည်း ရွေးချယ်ပြီး ဝတ်သင့်ပါတယ်။

နေလောင်ခြင်းကို ခံရပြီဆိုရင်...

- ရေများများသောက်ပါ ( ရေဓာတ်ကို ဖြည့်ပေးတဲ့ အချိုရည်လည်း ရပါတယ်)

- အေးတဲ့ ပတ်ဝန်းကျင်မှာနေပါ

- ရေခဲထုပ် ဒါမှမဟုတ် ရေအေးလေးနဲ့ နေလောင်ထားတဲ့ နေရာတွေကို ကပ်ပေးပါ

- ရေအေးနဲ့ ရေချိုးပေးပါ

- အုတ် ဂျုံမှုန့် ဒါမှမဟုတ် မုန့်ဖုတ်ဆိုဒါ အမုန့်ကို ရေချိုးရင် သုံးပေးပါ

- ရေမွှေးပါတဲ့ ရေချိုးဆပ်ပြာရည်နဲ့ ဆပ်ပြာတုံးတွေကို အသုံးမပြုပါနဲ့

- သံလွင်ဆီ ဒါမှမဟုတ် ရှားစောင်းလက်ပတ် အနှစ်ကို နေလောင်ထားတဲ့ နေရာတွေကို ညှင်သာစွာ လိမ်းပေးပါ

- အသားအရေကို အေးမျှစေမယ့် အဝတ်အစားတွေကို ဝတ်ပေးပါ။

ဒါဆိုရင်တော့ နေလောင်တာကို အမြန်ဆုံးပျောက်ကင်းစေနိုင်ပြီး နေလောင်ခြင်းဒဏ်ကလည်း ကာကွယ်ပေးနိုင်မှာ ဖြစ်ပါတယ်။ လှပတဲ့ အသားအရေဆိုတာ တန်ဖိုးရှိလို့ ဗဟုသုတအနေနဲ့ ဖော်ပြပေးလိုက်ပါတယ်။

Source: medicinenet.com