စည်းကမ်းမဲ့ဆိုင်ကယ်မောင်းသူတွေကို ညီအကိုမောင်နှမအရင်းလို့ ကူညီပေးတက်တဲ့ ပြည်သူ့ဝန်ထမ်းတစ်ဦး

စည်းကမ်းမဲ့မော်တော်ဆိုင်ကယ်မောင်းနှင်မှုတွေကတော့ ပြည်တွင်းနေရာအနှံ့အပြားမှာ အမြဲလိုလိုကြားသိနေရမှာပဲဖြစ်ပါတယ်။ အဆိုပါ စည်းကမ်းမဲ့မောင်းနှင်မှုတွေကို လူဒဏ်၊ ငွေဒဏ်တွေနဲ့ အရေးယူလေ့ရှိပေမယ့်လည်း ပျောက်ကင်းမှုက အနည်းငယ်လောက်သာရှိခဲ့တာတွေ့ရပါတယ်။ ၎င်းစည်းကမ်းမဲ့ မော်တော်ဆိုင်ကယ်ဖမ်းဆီးသူတွေထဲမှာ ပြည်သူတွေလေးစားချစ်ခင်ရတဲ့ ယာဉ်ထိန်းရဲတွေလည်း ရှိနေတာကိုတော့ အားလုံးလည်း သိကြမယ်ထင်ပါတယ်။  

လက်တလော ပရိသတ်တွေကြားမှာရေပန်းစားနေတဲ့ ယာဉ်ထိန်းရဲဝန်ထမ်းတစ်ဦးရဲ့ အပြုအမှုလေးကတော့ ကြုံတွေ့ဖူးသူ ပြည်သူတိုင်းကို လေးစားစေခဲ့တာပဲဖြစ်ပါတယ်။ အဆိုပါ ရဲဝန်ထမ်းကတော့ ကျောက်ဆည်မြို့ ရန်ကုန်- မန္တလေး လမ်းမပေါ်လက်ပြတိုင်မီးပွိုင့်အနီးတွင် ဆိုင်ကယ်စီးဦးထုပ်ဆောင်းထားခြင်းမရှိ၍ မောင်းနှင်လာသည့် ဆိုင်ကယ်မောင်းသူများ အရေးယူဆောင်ရွက်ခြင်းမပြုဘဲ ဦးထုပ်များ ချက်ချင်းဝယ်ဆောင်းစေပြီးယာဉ်/လမ်းစည်းကမ်း ဆိုင်ရာများဆွေးနွေးပြောကြားကာအသိပညာပေး လက်ကမ်းစာစောင်များ ပေးဝေခြင်း တို့ကိုဆောင်ရွက်ခဲ့တယ်လို့သိရပါတယ်။ 

စည်းကမ်းမဲ့ပြည်သူတွေကို စည်းကမ်းတကျမောင်းနှင်နိုင်ဖို့နဲ့ လုံခြုံစိတ်ချစေဖို့ကို အဓိကထားပြုလုပ်တက်ပြီး ပြည်သူတိုင်းအတွက် လေးစားစရာပြုလုပ်ခဲ့တာပဲဖြစ်ပါတယ်။ လက်တလောပြည်သူများစွာလေးစားချစ်ခင်နေရတဲ့ ယာဉ်ထိန်းရဲဝန်ထမ်းတစ်ဦးရဲ့ ပုံရိပ်လေးတေါကို ချစ်ပရိသတ်တွေအတွက်မျှဝေပေးလိုက်ပါတယ်။

pHOTOS - MANDALAY NEWS