ချစ်သူများနေ့မှာ စေ့စပ်လိုက်ပြီဖြစ်တဲ့ သူရိယနဲ့ ဆုအိမ့်စံ

ဒီနေ့ချစ်သူများနေ့ဟာတော့ သူရိယနဲ့ ဆုအိမ့်စံတို့ စုံတွဲလေးရဲ့ အမှတ်တရနေ့ရက်လေးပဲဖြစ်ပါတယ်။ နှစ်ယောက်သားက ဒီနေ့မှာ စေ့စပ်လိုက်ပြီဆိုတဲ့အကြောင်း ပရိသတ်တွေကို တရားဝင်အသိပေးလိုက်တာပဲဖြစ်ပါတယ်။ ချစ်သက်တမ်းနှစ်နှစ်ကျော်လာပြီးနောက်မှာတော့ စေ့စပ်လိုက်ပြီ ဖြစ်ပြီး မင်္ဂလာပွဲက ဘယ်အချိန်မှာကျင်းပမလည်းဆိုတာတော့ ပရိသတ်တွေက ရင်ခုန်စွာနဲ့စောင့်မျှော်ရမှာပါပဲ။ နှစ်ယောက်သားက ရှေ့သွားနောက်လိုက်ညီပြီး တစ်ယောက်နဲ့တစ်ယောက် သိပ်ချစ်ကြပုံလေးက တကယ်ကိုအားကျချင်စရာပါပဲ။

နှစ်ယောက်သားရဲ့ အချစ်ဇာတ်လမ်းလေးက " သရဲသင်္ဘော " ဆိုတဲ့ ဟာသဇာတ်လမ်းလေးမှာ စတင်ခဲ့ပြီး လက်ရှိအချိန်ထိ ရွှေလက်တွေ ခိုင်ခိုင်မြဲမြဲတွဲထားပြီးနောက်မှာတော့ စေ့စပ်ကြောင်းလမ်းခြင်းဆိုတဲ့ နှောင်ကြိုးလေးတစ်ခုကို ထပ်မံရစ်ပတ်လိုက်တာပဲဖြစ်ပါတယ်။ အဖြူရောင်ဝတ်စုံလေးတွေနဲ့ အရမ်းကိုချစ်ဖို့ကောင်းလွန်းတဲ့ နှစ်ယောက်သားရဲ့ပုံရိပ်လေးတွေဟာ ပရိသတ်တွေကြားမှာ အရမ်းကိုရေပန်းစားလွန်းနေပါတယ်။

နှစ်ယောက်သားရဲ့ မင်္ဂလာသတင်းလေးကို " Happy Our Valentine’s Day မင်းမဟုတ်တဲ့ အခြားအရာတွေနဲ့တော့ ဘဝကိုအိုမင်းမသွားချင်ဘူး ဒီနေ့ ကျွန်တော်တို့ ၂ ယောက် စေ့စပ်လိုက်ပါပြီ " ဆိုပြီး လူမှုကွန်ယက်မှာ ကြေညာလိုက်တာပဲဖြစ်ပါတယ်။ Congratulation ပါနော်။ သာယာကြည်နူးတဲ့ မိသားစုဘဝလေးကို အမြန်ဆုံးပိုင်ဆိုင်နိုင်ပါစေလို့ ဆုမွန်ကောင်းတောင်းပေးလိုက်ပါတယ်။

Photo - Thuri Ya & Hsu Eaint San