အာဆင်နယ်တိုက်စစ်ကစားသမားဖြစ်သူအဲလက်စ်အီဝိုဘီကစိတ်ရှည်သည်းခံမှုမရှိဂန်းနားဖန်အချို့ကိုဝေဖန်ပြစ်တင်လိုက်ပြီးလက်ရှိအခက်အခဲတွေကြုံတွေ့နေရတဲ့နည်းပြကြီးအာဆင်ဝင်းဂါးဟာကလပ်အသင်းအတွက်အရာရာကိုပေးဆပ်ခဲ့သူဖြစ်တာကြောင့်ဒီထက်ပိုမိုတဲ့လေးစားထောက်ခံမှုကိုရသင့်တယ်လို့ပြောဆိုလိုက်ပါတယ်။
အီဝိုဘီက "ကျွန်တော့်ရဲ့အမြင်ကတော့သူ့တို့အနေနဲ့အာဆင်ဝင်းဂါးအပေါ်ဒီထက်ပိုမိုတဲ့လေးစားမှုကိုပြသင့်တယ်လို့ထင်ပါတယ်။
ကျွန်တော်ဆိုလိုတာကသူဟာအာဆင်နယ်ကိုနှစ်ပေါင်း၂၀ကျော်လောက်ပေးဆပ်ခဲ့သူဖြစ်ပြီးအောင်မြင်မှုတွေရရှိခဲ့ပါတယ်။
သူတို့ဟာခုချိန်မှာအသင်းရဲ့ရလဒ်ဆိုးတွေနဲ့ရာသီကုန်မှာထိပ်ဆုံးလေးသင်းဝင်ချင်တဲ့စိတ်ဆန္ဒတွေကြောင့်ဝင်းဂားအေပါ်အနည်းငယ်စိတ်မရှည်ဖြစ်နေကြတာပါ။
ကျွန်တော်တို့လည်းဖြစ်နိုင်ရင်ထိပ်ဆုံးမှာရပ်တည်ချင်ပါတယ်။ သူတို့လိုပဲကျွန်တော်တို့လည်းဖလားတွေဆွတ်ခူးချင်ပါတယ်။ ကျွန်တော်တို့အာမခံနိုင်တာကတော့အားလုံးအကောင်းဆုံးကြိုးစားသွားမှာဖြစ်ပြီးဘာတွေပဲဖြစ်နေနေကျွန်တော်တို့ဟာရလဒ်ဆိုးတွေရဲ့ဒဏ်ကိုအများဆုံးခံရတာပါ။
ကျွန်တော်တို့ဆန့်ကျင်တဲ့စာတန်းတွေ ပရိတ်သတ်တွေရဲ့အော်ဟစ်လှောင်ပြောင်မှုတွေကိုဂရုစိုက်နေမှာမဟုတ်ဘဲကွင်းထဲမှာသာကိုယ့်ရဲ့အလုပ်ကိုအကောင်းဆုံးလုပ်နိုင်ဖို့အာရုံစိုက်သွားမှာပါ။" လို့ပြောသွားပါတယ်။
Ref: Daily Mail
Photo: Getty Images
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။