စာမေးပွဲစောင့်ရန်မလာသဖြင့် သွားခေါ်ရာမှာ သေဆုံးနေတဲ့ ကျောင်းဆရာမတစ်ဦး

ဒီကနေ့ မတ်လ ၆ ရက်နေ့ဟာ မြန်မာနိုင်ငံအနာဂတ်မျိုးဆက်သစ်များစွာရဲ့ စာမေးပွဲဖြေဆိုရက်နေ့တစ်နေ့ဖြစ်ပြီး အတိုင်းတိုင်းအပြည်ပြည်မှာ လုံခြုံရေးများစွာနှင့်အတူ အစဉ်အမြဲစောင့်ကြည့်နေတဲ့ နေ့တစ်နေ့လည်းဖြစ်ပါတယ်။ အဆိုပါ စာမေးပွဲဖြေဆိုရက် ပထမဆုံးရက်မှာပဲ အခန်းစောင့် ကျောင်းဆရာမတစ်ဦး သေဆုံးခဲ့ကြောင်း သိရပါတယ်။  

အဆိုပါ ကျောင်းဆရာမကတော့ ဧရာဝတီတိုင်းဒေသကြီး.မြောင်းမြမြို့.မဟာစည်လမ်းမကြီးအိမ်အမှတ်(၄၇၀)နေဆရာမဒေါ်ခင်အေးအေးမွန် (BSC.BED) အမှတ်(၅)အထကအထက်တန်းပြဆရာမတစ်ဦးပဲဖြစ်ပါတယ်။ သေဆုံးမှုနှင့်ပတ်သက်ပြီး " နံနက် ၇ နာရီ ၅၀ မိနစ်ခန့်က ဆယ်တန်းစာမေးပွဲစောင့်ရန်မလာသဖြင့်ကျောင်းလုပ်သားမောင်သက်ကိုအောင်မှ အိမ်သို့လာရောက်ခေါ်ရာမှမထူးသဖြင့်ရပ်ကွက်နေပြည်သူများမှခြံတံခါးအတွင်းဝင်ရောက်ကြည့်ရာနောက်ဖေးတံခါးပေါက်ပွင့်လျှက်တံခါးအနီးပက်လက်အနေအထားဖြင့်သေဆုံးနေကြောင်း" ကနဦးသတင်းများအရသိရပါတယ်။  

အဆိုပါ ကျောင်းဆရာမသေဆုံးမှုနဲ့ပတ်သက်ပြီး မြောင်းမြရဲစခန်းမှာ လာရောက်စစ်ဆေးရာ ပြင်ပဒဏ်ရာ တစ်စုံတရာမတွေ့ရှိခြင်း၊ ပစ္စည်းများပျောက်ရှခြင်းမရှိပဲ သေဆုံးနေတာဖြစ်ပြီး ဆရာမသေဆုံးမှု အပေါ်သွေးရိုးသားရိုးသေဆုံးမှုဟုတ် မဟုတ်ကို မြောင်းမြရဲစခန်းမှ ဆရာမအလောင်းကို ဆေးရုံရင်ခွဲရုံသို့သယ်ဆောင်စစ်ဆေးမှုပြုလုပ်သွားမှာဖြစ်ကြောင်းသိရပါတယ်။ ဒီကနေ့ နေအိမ်အတွင်း သေဆုံးနေတဲ့ ဆယ်တန်းအခန်းစောင့် ဆရာမတစ်ဦးရဲ့ ပုံရိပ်လေးတွေကို ချစ်ပရိသတ်တွေအတွက်မျှဝေပေးလိုက်ပါတယ်။

pHOTOS - mIN SI THU