သေဆုံး/ ပျံလွန်သူ (၁၁)ဦးရှိခဲ့တဲ့ အမြန်လမ်းမပေါ်က ဖြစ်ရပ်ရဲ့ နောက်ဆက်တွဲဖြစ်စဉ်

မတ်လ (၅)ရက်နေ့ မနေ့က နေပြည်တော်- ရန်ကုန် အမြန်လမ်းမကြီး မိုင်တိုင်အမှတ် ၇၇/၃-၇၇/၄ အကြား တိမ်းမှောက်ခဲ့တဲ့ High Class Express ယာဉ်သတင်းကိုတော့ အားလုံးလည်းသိမယ်ထင်ပါတယ်။ ဆိုးဆိုးရွားရွား တိမ်းမှောက်ခဲ့တာဖြစ်ပြီး ယာဉ်တိမ်းမှောက်မှုကြောင့် ယာဉ်ပေါ်လိုက်ပါစီးနင်းလာတဲ့ ခရီးသည်တွေအနက် ၁၁ ဦး သေဆုံးခဲ့ကြောင်း သိရပါတယ်။  

အဆိုပါ သေဆုံး/ ပျံလွန် သူတွေထဲမှာ သံဃာ ၄ပါးနှင့်အတူ ကျား (၃)ဦး ၊ မ (၄) ဦး စုစုပေါင်းခရီးသည် ၇ ဦးလည်း သေဆုံးခဲ့ကြောင်း သိရပါတယ်။ သံဃာ ၅ ပါးလိုက်ပါစီးနင်းလာရာ တစ်ဦးသာ ဘေးလွတ်ခဲ့ပြီး ၄ဦး ပျံလွန်ခဲ့ကြောင်းသိရပါတယ်။ အဆိုပါ သေဆုံး/ ပျံလွန်သူတွေအတွက် အလှူအတန်းပြုကာ မတ်လ (၆)ရက်နေ့က သံဃာတော်များပင့်ဆောင်ကာ မေတ္တာပို့ အမျှတန်းဝေခဲ့ကြောင်း သိရပါတယ်။  

အဆိုပါ မေတ္တာပို့အမျှဝေခြင်းကို မတ်လ ၆ရက်နေ့ မနေ့က ညနေ ၅ နာရီလောက်မှာ ပြုလုပ်ခဲ့တာဖြစ်ပြီး ပင့်သံဃာ ၅ ပါးပင့်ဆောင်ကာ အမြန်လမ်းရဲတပ်ဖွဲ့ အုတ်ရှစ်ကုန်းစခန်းမှ တပ်ဖွဲ့ဝင်မိသားစုများ အမြန်လမ်းပြုပြင်ထိန်းသိမ်းရေးမှ ရုံးအဖွဲ့များနှင့် ရပ်မိရပ်ဖများ စုပေါင်းလုပ်ဆောင်ခဲ့ကြကြောင်းသိရပါတယ်။ ဆိုးဆိုးရွားရွားဖြစ်ပွားခဲ့တဲ့ အဆိုပါ ယာဉ်တိုက်မှုဖြစ်စဉ် ပုံရိပ်အချို့ကို ချစ်ပရိသတ်တွေအတွက်မျှဝေပေးလိုက်ပါတယ်။

Photos - Min Si thu