ရော်နယ်ဒိုနဲ့အတူ တွဲဖက်ကစားဖို့ ဆန်းချက်ကိုခေါ်ယူချင်နေတဲ့ ဂျူပီ

အီတလီထိပ်သီးကလပ် ဂျူဗင်တပ်အသင်းဟာ စီရော်နယ်ဒိုနဲ့ တွဲဖက်ကစားဖို့အတွက် မန်ယူတိုက်စစ်မှူး ဆန်းချက်ဇ်ကို အလိုရှိနေတယ်လို့ သိရပါတယ်။ဆန်းချက်ဇ်ဟာ မန်ယူအသင်းမှာ ခြေစွမ်းပြနိုင်ခြင်းမရှိဘဲ ဒဏ်ရာရနေတာကြောင့်လည်း ရာသီကုန်အထိ ပါဝင်ကစားနိုင်မှာ မဟုတ်ဘူးလို့ သိရပါတယ်။

ဂျူဗင်တပ်အသင်းကတော့ လာမယ့်ရာသီမှာ ဥရောပရဲ့ အတောင့်တင်းဆုံး အသင်းအဖြစ် တည်ဆောက်နေတာကြောင့် ဆန်းချက်ဇ်ကို ခေါ်ယူပြီး အသင်းတိုက်စစ်ကို မြှင့်တင်ဖို့ ဆန္ဒရှိနေတယ်လို့ ဆိုပါတယ်။ဒါပေမယ့်လည်း ဆန်းချက်ဇ်ရဲ့လုပ်ခက တပတ် ပေါင် ၅ သိန်းအထိ ရှိနေတာကြောင့် ခေါ်ယူဖို့ အခက်အခဲ ရှိနိုင်တယ်လို့ သိရပါတယ်။

ဂျူဗင်တပ်အသင်းဟာ အာဆင်နယ် ကွင်းလယ်ကစားသမား ရမ်ဆေးကိုလည်း ခေါ်ယူစာချုပ်ထားပြီး တပတ်ပေါင်လေးသိန်း ပေးချေရမှာဖြစ်လို့ ကစားသမားတွေရဲ့ လုပ်ခလစာအတွက် ငွေအမြောက်အမြား ပေးချေနေရတာဖြစ်ပါတယ်။

source: the sun