ခက်ခဲကြမ်းတမ်းတဲ့လမ်းတွေကို လျှောက်ရင်း ဘဝအမောတွေ ပျောက်ကွယ်စေတဲ့ Surprise Birthdayကြောင့် ပျော်နေတဲ့ချစ်ချစ်ဇော်

ဒါရိုက်တာမိုက်တီး လင်းဇာနည်ဇော် ချစ်ချစ်ဇော် တို့ကတော့ အနပညာလောကမှာ နာမည်တစ်လုံးနဲ့ ရပ်တည်နေခဲ့ပြီး ပရိသတ်တွေရဲ့ ချစ်ခင်အားပေးမှုကို ရရှိနေခဲ့ပါတယ်။ သူတို့ရဲ့ ချစ်ဖေကြီး ဒါရိုက်တာ ဦးခင်ဇော်ဟာလဲအောင်မြင်ခဲ့တဲ့ ဒါရိုက်တာတစ်ယောက်ဖြစ်ပြီး အဖေဖြစ်သူကွယ်လွန်သွားလို့ ချစ်ချစ်ဇော်တို့ညီအမတွေ စိတ်မကောင်းဖြစ်ရပါတယ်။  

ယနေ့မှာတော့ ချစ်ချစ်ဇော်ဟာ ခက်ခဲကြမ်းတမ်းတဲ့လမ်းတွေကို လျှောက်ရင်း ဘဝအမောတွေ ပျောက်ကွယ်စေတဲ့ Surprise Birthdayကြောင့် ပျော်နေပါတယ်။ချစ်ချစ်ဇော်ကတော့ "မရီဖြစ်ခဲ့တာကြာပါပြီ။မပျော်ခဲ့ရတာကြာပါပြီ။စိတ်ကိုထိန်းချုပ်ထားခဲ့ရတာကြာပါပြီ။ဘဝတစ်ခုလုံး အချုပ်အနှောင်ကျခဲ့ရသလို ခက်ခဲကြမ်းတမ်းတဲ့လမ်းတွေကို ချိနဲ့ပင်ပန်းစွာ လျှောက်ခဲ့ရတာကြာပါပြီ။အဲလို ခံစားချက်ပေါင်းများစွာနဲ့ကျမကို စိတ်လွတ်ကိုယ်လွတ် ရယ်မောပျော်ရွှင်နိူင်ဖို့၊ ဘဝအမောတွေ ခဏတာပျောက်ကွယ်စေဖို့၊ကျမရဲ့""မွေးနေ့"ဆိုတဲ့မှတ်တိုင်လေးမှာ ထင်မှတ်မထားခဲ့တဲ့Surprise Birthdayလေးတစ်ခုဖန်တီးပေးခဲ့သူအားလုံး မွေးနေ့ဆုတောင်းများပေးပို့ကြတဲ့ ချစ်မိတ်ဆွေများမဖော်ပြနိူင်သောပီတိဖြစ်ခြင်းပေါင်းများစွာနဲ့ ကျေးဇူးအကြီးကြီးတင်ရပါတယ်ရှင်။

မနက် နာရေးကူညီမှု့အသင်း၊ ရေဝေးမှစည်ပင်ဝန်ထမ်းများကိုရွှေခေါက်ဆွဲဒါနပြုရင်း အဖိုးလေးကိုကန်တော့ဖြစ်တော့ကျမတော်တော်ကြေကွဲခဲ့ရပါတယ်။ အရင့်အရင်နှစ်တိုင်း အဖေနဲ့အမေကိုတွဲကန်တော့နေကျမို့ အမေ့ကိုသပ်သပ် အဖေ့ကိုသပ်သပ်ခွဲကန်တော့ရတော့ ရင်နဲ့မဆန့်အောင်ခံစားခဲ့မိပါတယ်။ဒါပေမယ့်လဲ လူ့ဘဝဆိုတာဝမ်းနည်းစရာ နဲ့ဝမ်းသာစရာအမြဲဒွန်တွဲနေတာပါလား..လို့ကျမသိလိုက်ရပါပြီ။ရှေ့လျှောက်ရမယ့်လမ်းတွေအတွက်စိတ်ဓာတ်တွေကြံ့ကြံ့ခိုင်အောင်ကျမကြိုးစားပါတော့မည်။ "ဆိုပြီးရေးသားထားပါတယ်။

source: ချစ်ချစ်ဇော်