နိုင်ငံတော်သီချင်းကို စကားသံဝဲဝဲလေးဖြင့် သီဆိုခဲ့ကြတဲ့ ချင်းတိုင်းရင်းသားကလေးငယ်လေးများ

ချို့တဲ့နေတဲ့ မြန်မာ့ပညာရေးလမ်းကြောင်းကြီးကို ပြောင်းလဲမှုတွေများစွာပြုလုပ်လျှက်ရှိပေမယ့် ကျေးလက်ဒေသများစွာမှာတော့ ယနေ့ထက်ထိနိမ့်ကျလျှက်ရှိကြောင်း သိရပါတယ်။ စစ်ဘေးသင့်ဒေသတွေမှာ ပညာသင်ဖို့ထက် စားဝတ်နေရေးကို အဓိကထားကြိုးစားနေရပြီး သားသမီးတွေရဲ့ ပညာသင်ကြားမှုတွေကို ရပ်နားထားရသူတွေလည်း များစွာရှိနေပါတယ်။ အဆိုပါ ကျေးလက်ဒေသတွေထဲမှာ ချင်းပြည်နယ်ရှိ အခြေခံမှုလတန်းကျောင်းမှ ဗီဒီယိုဖိုင်လေးတစ်ခုကတော့ ပရိသတ်တွေကြားမှာရေပန်းစားခဲ့တာတွေ့ရပါတယ်။  

အဆိုပါ ဗီဒီယိုဖိုင်လေးကတော့ ချစ်စရာချင်းတိုင်းရင်းသား/သူတွေရဲ့ စကားသံဝဲ၀ဲလေးဖြင့် နိုင်ငံတော်သီချင်းသီဆိုမှုဗီဒီယိုဖိုင်လေးပဲဖြစ်ပါတယ်။ အြခေခံပညာကျောင်းလေးမှ မြန်မာ့နိုင်ငံတော်သီချင်းကို ဗမာလေသံ ခတ်ဝဲ၀ဲလေးဖြင့် ညီညီညာညာသီဆိုပုံလေးက နားထောင်သူတိုင်းကို ကြည်နူးစေမှာအမှန်ပဲဖြစ်ပါတယ်။  

ဆင်းရဲချို့တဲ့နေတဲ့ ဒေသတွေမှာ သွားရောက်သင်ကြားပေးနေတဲ့ ကျောင်းဆရာ၊ ဆရာမလေးတွေရဲ့ အရိပ်အောက်မှာ ထူးချွန်ထက်မြတ်တဲ့ နိုင်ငံသူရဲကောင်းများစွာလည်း မွေးဖွားနိုင်ခဲ့တဲ့ သာဓကတွေကတော့ များစွာရှိနေတာအားလုံးသိမယ်ထင်ပါတယ်။ ကြည့်ရှု့သူ သိန်းချီရှိခဲ့တဲ့ ချင်းပြည်နယ်အခြေခံကျောင်းလေးမှ ချစ်စရာကလေးငယ်တွေရဲ့ နိုင်ငံတော်သီချင်းဖျော်ဖြေမှုဗီဒီယိုဖိုင်လေးကို ချစ်ပရိသတ်တွေအတွက်မျှဝေပေးလိုက်ပါတယ်။

Video - Sai Pan Hpa