အိပ်ငိုက်မောင်းနှင်မှုကြောင့် တိမ်းမှောက်ခဲ့ရတဲ့ အမြန်လမ်းမပေါ်က ဖြစ်ရပ်

နေ့စဉ်ကြားသိနေရတဲ့ ယာဉ်တိုက်မှုသတင်းတွေထဲက အများဆုံးနဲ့ လူသေဆုံမှုစံချိန်တစ်ခုတင်ထားတာကတော့ အမြန်လမ်းမကြီးပဲဖြစ်ပါတယ်။ လစဉ်တိုင်းမှာ အများဆုံးစံချိန်ရှိနေပြီး ယာဉ်တိုက်မှု တိမ်းမှောက်မှုနဲ့ လူသေဆုံးမှုတွေကတော့ မရေမတွက်နိုင်အောင်ရှိနေခဲ့တာပဲဖြစ်ပါတယ်။ ဒီကနေ့ ဧပြီလ ၁၉ ရက်နေ့ နေ့လည် ၁၂ နာရီလောက်မှာလည်း အဆိုပါအမြန်လမ်းမပေါ်တွင် ယာဉ်တိမ်းမှောက်မှုတစ်ခုထပ်မံဖြစ်ပွားခဲ့ကြောင်း သိရပါတယ်။    

အဆိုပါ ယာဉ်တိမ်းမှောက်မှုကတော့ ဒီကနေ့ ဧပြီလ ၁၉ရက်နေ့ နေ့လည် ၁၂ နာရီလောက်က နေပြည်တော် - ရန်ကုန် အမြန်လမ်း မိုင်တိုင် အမှတ် ၁/၄- ၁/၅ အကြားတွင် ဖြစ်ပွားခဲ့တာပဲဖြစ်ပါတယ်။ ဖြစ်စဉ်မှာ "ယာဉ်မောင်း ကို စိုးမင်းလှ မောင်းနင်သည့် GG/5---probox အဖြူရောင်ယာဉ်မှာ ယာဉ်မောင်း အိပ်ငိုက်ပြီး လမ်းလယ်ကျွန်းပေါ်ရောက်ရှိ" ခဲ့တာဖြစ်ကြောင်း ကနဦးသတင်းများအရသိရပါတယ်။  

အဆိုပါ ယာဉ်တိမ်းမှောက်မှုကြောင့် ယာဉ်ပျက်ဆီးမှုရှိခဲ့သော်လည်း ယာဉ်ပေါ်လိုက်ပါလာသည့် ကျား (၂) ဦး မ (၃)ဦး ထိခိုက်ဒဏ်ရာရရှိမှုမရှိခဲ့ကြောင်း သိရပါတယ်။ ယာဉ်တိမ်းမှောက်ရာနေရာသို့ အမြန်လမ်းမကြီး ရတပ်ဖွဲ့ အမှတ် (၃) လမ်းဆုံး စခန်းမှာ တာဝန်ရှိသူများ သွားရောက်ကူညီပေးခဲ့ရကြောင်း သိရပါတယ်။

Photos - အမြန်လမ်းရဲတပ်ဖွဲမှူးရုံး