ဇာတ်လိုက် ရုပ်ရှင်ဇာတ်ကား ကန်တော့ပွဲကို တက်ရောက်လာတဲ့ မေမြင့်မိုရ်တို့အနုပညာရှင်တစ်စု

ဇာတ်လမ်းတွဲမင်းသမီးလေးအဖြစ် ပရိသတ်တွေရဲ့ လက်ခံအားပေးမှုကို ရယူပိုင်ဆိုင်နိုင်ခဲ့တဲ့ မေမြင့်မိုရ်က အခုချိန်မှာတော့ ရုပ်ရှင်ဇာတ်ကားကြီးတွေ မနားတမ်း ရိုက်ကူးနေရပြီ ဖြစ်ပါတယ်။ ကျရာဇာတ်ရုပ်ကို သဘာဝကျကျ ဖန်တီးပုံဖော်ပေးနိုင်တဲ့ မေက ခေါင်းဆောင်မင်းသမီးအဖြစ်ပါ ရိုက်ကူးနေရတာ ဖြစ်ပါတယ်။ ဒါ့အပြင် တစ်နေ့တစ်ခြား ပိုပိုပြီး လှပလာတဲ့ မေရဲ့အလှကြောင့်လည်း ပုရိသတွေရဲ့ ရင်ခုန်သံတွေ မြန်ဆန်နေတာ ဖြစ်ပါတယ်။

လက်ရှိမှာတော့ မေက " ပျောက်ဆုံးနေသော အမှန်တရား" ဆိုတဲ့ ဇာတ်လမ်းတွဲလေးကို အောင်မြင်စွာ ရိုက်ကူးပြီးစီးခဲ့ပြီး " ဇာတ်လိုက်" ဆိုတဲ့ ရုပ်ရှင်ဇာတ်ကားကြီးကို ဆက်လက်ရိုက်ကူးမှာ ဖြစ်ပါတယ်။ ဒီနေ့မနက်စောစောမှာတော့ ရွှေတိဂုံဘုရားရင်ပြင်တော်မှာ "ဇာတ်လိုက်" ရုပ်ရှင်ဇာတ်ကား ကန်တော့ပွဲပြုလုပ်ခဲ့ပြီး အနုပညာရှင်များစွာ တက်ရောက်ခဲ့ကြပါတယ်။ မြန်မာဝတ်စုံလေးနဲ့ ဇာတ်ကားကန်တော့ပွဲကို တက်ရောက်လာတဲ့ မေက အရမ်းကို ကျက်သရေရှိပြီး အလှတိုးနေတာလည်း တွေ့ရပါတယ်။

အခုလည်း မေက " 'ရိုးမပေါ်ကျတဲ့မျက်ရည်' ဝတ္ထု True Story ကို ဒါရိုက်တာကိုပေါက်က 'ဇာတ်လိုက်' ရုပ်ရှင်ကားအဖြစ် ရိုက်ကူးပုံဖော်မယ့်ကန်တော့ပေးပွဲနဲ့ စာနယ်ဇင်းမိတ်ဆက်ပွဲ" ဆိုပြီး ပုံလေးတွေကို မျှဝေပေးထားပါတယ်။ ဒီဇာတ်ကားကြီးမှာတော့ ဝါရင့်သရုပ်ဆောင်များစွာနဲ့ တက်သစ်စ အနုပညာရှင်တွေ ပါဝင်သရုပ်ဆောင်ကြမှာ ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချောလေး မေမြင့်မိုရ်နဲ့ အနုပညာရှင်တို့ရဲ့ပုံရိပ်လေးတွေကို တင်ကဆက်ပေးလိုက်ပါတယ်နော်။

Source:May Myint Mo;