အာရှဘောလုံးသမိုင်းမှာမှတ်တမ်းကောင်းတစ်ခုကိုရေးထိုးပိုင်ဆိုင်နိုင်တော့မယ့် ရန်ကုန်ယူနိုက်တက်

အာရှဘောလုံးအဖွဲ့ချုပ်ကကြီးမှူးကျင်းပနေတဲ့ AFC CUP 2019ပြိုင်ပွဲမှာတော့မြန်မာနိုင်ငံကအမှတ်ပေးချန်ပီယံဖြစ်တဲ့ရန်ကုန်ယူနိုက်တက်အသင်းကပါဝင်ယှဉ်ပြိုင်ကစားနေတာဖြစ်ပါတယ်။ရန်ကုန်ယူနိုက်တက်အသင်းဟာဒီနှစ် AFC Cup ပြိုင်ပွဲမှာတော့ရလဒ်တွေဆိုးရွားနေတာဖြစ်ပါတယ်။ရန်ကုန်ယူနိုက်တက်အသင်းဟာဒီနေ့မှာတော့အုပ်စုနောက်ဆုံးပွဲစဉ်အဖြစ်ကမ္ဘောဒီးယားကလပ်နာဂါဝေါလ်အသင်းနဲ့ယှဉ်ပြိုင်ကစားရမှာဖြစ်ပါတယ်။

ရန်ကုန်ယူနိုက်တက်အသင်းဟာ နာဂါဝေါ်လ်အသင်းနဲ့ပထမအကျော့တွေ့ဆုံစဉ်ကရှုံးနိမ့်ထားခဲ့တာဖြစ်ပါတယ်။အဆိုပါပွဲတုန်းကရန်ကုန်ယူနိုက်တက်အသင်းဟာအစောပိုင်းထဲက ကစားသမားတစ်ယောက်အနီကဒ်နဲ့ထုတ်ခံရတာကြောင့်ရှုံးနိမ့်ထားတာပါ။အဆိုပါပွဲမှာရှုံးနိမ့်ခဲ့ပေမယ့်ရန်ကုန်ယူနိုက်တက်အသင်းဟာအကောင်းဆုံးကစားသွားခဲ့ပြီးတစ်ဖက်အသင်းကခက်ခက်ခဲခဲနဲ့အနိုင်ရခဲ့တာဖြစ်ပါတယ်။

ဒီနေ့မှာတော့ရန်ကုန်ယူနိုက်တက်အသင်းဟာနာဂါဝေါလ်အသင်းကိုအိမ်ကွင်းမှာအုပ်စုနောက်ဆုံးပွဲအဖြစ်ယှဉ်ပြိုင်ကစားရမှာဖြစ်ပါတယ်။ဒီပွဲစဉ်ကတော့အာရှဘောလုံးသမိုင်းမှာမှတ်တမ်းဝင်မယ့်ပွဲတစ်ပွဲဖြစ်လာတော့မှာပါ။ဒီပွဲမှာတော့ဒိုင်၃ဦးလုံးကိုတော့အမျိုးသမီးတွေကတာဝန်ယူဆောင်ရွက်မှာဖြစ်ပါတယ်။ဒီပွဲကတော့အာရှဒေသတွင်းမှာပထမဆုံးအမျိုးသမီးကွင်းလယ်ဒိုင်လူကြီးများကိုင်တွယ်မယ့်ပွဲစဉ်အဖြစ်မှတ်တမ်းဝင်တော့မှာပါ။

SOURCE:For Sport Asia