လေပြင်းတိုက်ခတ်မှုကြောင့် နေအိမ်ပျက်စီးခဲ့ရတဲ့ မင်းလှမြို့

လေပြင်းတိုက်ခတ်မှုကြောင့် လူနေအဆောက်အအုံနဲ့အတူ လမ်းတံတားသစ်ပင်များပြိုကျပျက်စီးမှုကတော့ မရေမတွက်နိုင်အောင်ရှိခဲ့ပါတယ်။ မေလ ၁၄ရက်နေ့ မနေ့က ညနေပိုင်းမှာလည်း ဆိုးဆိုးရွားရွားလေပြင်းတိုက်ခတ်မှု တစ်ခုဖြစ်ပွားခဲ့ပြီး နေအိမ်အချို့ပျက်စီးခဲ့ကြောင်း သိရပါတယ်။ အဆိုပါ လေပြင်းတိုက်ခတ်မှုက ပဲခူးတိုင်းဒေသကြီး မင်းလှမြို့နယ် လှည်းပြင်ဒင်းအုပ်စု၊လှည်းပြင်ဒင်းကျေးရွာတွင် ဖြစ်ပွားခဲ့တာပဲဖြစ်ပါတယ်။   

ဖြစ်စဉ်နဲ့ပတ်သက်ပြီး " ပဲခူးတိုင်းဒေသကြီး မင်းလှမြို့နယ် လှည်းပြင်ဒင်းအုပ်စု၊လှည်းပြင်ဒင်းကျေးရွာတွင်မေ ၁၄ ရက် ညနေ ၅ နာရီ မိနစ် ၄၀ က လေပြင်းတိုက်ခတ်မူကြောင့် လူနေအိမ်နှစ်လုံး အမိုးလန်ပျက်ဆီးဆုံးရှုံးမူ ဖြစ်ပွားခဲ့ကြောင်း " ကနဦးသတင်းများအရ သိရပါတယ်။ လေပြင်းတိုက်ခတ်မူကြောင့် လှည်းပြင်ဒင်းကျေးရွာနေ ဦးဝင်းမြင့်နှင့် ဦးတင်မောင်သန်းတို့၏၃×၃"ပင် သွပ်မိုး၊ထရံကာ ၊ပျဉ်ခင်းနှစ်ထပ်နေအိမ်နှစ်လုံး သွပ်များအမိုးလန်ပြီးစုစုပေါင်း ဆုံးရှုံးမူတန်ဖိုး ၁၉၀၀၀၀ ကျပ်ခန့်ပျက်ဆီးဆုံးရှုံးခဲ့ကြောင်း သိရပါတယ်။  

အဆိုပါ လေပြင်းတိုက်ခတ်မှုကြောင့် လူနှင့် တိရစ္ဆာန်များ ထိခိုက်ပျက်ဆီးဆုံးရှုံးမူ မရှိခဲ့ကြောင်း သိရပါတယ်။ ၎င်း လေပြင်းတိုက်ခတ်ခံရသည့်နေအိမ်တို့အား ကျေးရွာအုပ်စုအုပ်ချုပ်ရေးမှူး နှင့်အဖွဲ့များ၊ မီးသတ် တပ်ဖွဲ့ဝင်များ၊ ရဲတပ်ဖွဲ့ဝင်များ၊ ရွာသူရွာသားများက လိုအပ်သည်များကို ကူညီဆောင်ရွက်ပေးလျှက်ရှိပါတယ်။

source - The Mirror Daily