လူတစ်ဦးပါဝင်သွားခဲ့တဲ့ ဇာက်ရေယာဉ်ပေါ်တက်စဉ် နှစ်မြုပ်ခဲ့တဲ့ မော်တော်ယာဉ်

ဧရာဝတီတိုင်းဒေသကြီး ဝါးခယ်မမြို့နယ် ရွှေလောင်းကျေးရွာ၌ မေ ၁၄ ရက် မနေ့က နံနက် ၉ နာရီခွဲက ရွှေလောင်းမြစ်ကူး ဇက်ရေယာဉ်ပေါ်သို့တက်စဉ် ရေယာဉ်ခြေနင်းပြား ထိန်းကြိုးပြတ် တောက်မှုကြောင့် မော်တော်ယဉ်တစ်စီး ရေနှစ်မြုပ်ခဲ့ကြောင်း သိရပါတယ်။ အဆိုပါ နစ်မြုပ်မော်တော်ယာဉ်ထဲမှာ ယာဉ်မောင်းသူတစ်ဦးပါဝင်ခဲ့ပြီး ယနေ့အထိ ရှာဖွေမှုတွေ ဆက်တိုက်ပြုလုပ်နေရကြောင်း သိရပါတယ်။  

ဖြစ်စဉ်မှာ ရွှေလောင်းကျေးရွာဇက်ဆိပ်ကမ်းတွင် ရွှေလောင်းတံတားဆောက်လုပ်ရေးအထူးအဖွဲ့ ၁၅ မှ ငှါးရမ်းထားသည့် ယာဉ်အမှတ် 9j / .... JAC အမျိုးအစား ခဲ/အဖြူရောင် ယာဉ်တန်ချိန် ၁၄ တန် ကွန်ကရစ်ဖျော်ရည်များ တင်ဆောင်လျှက် ပြည်တွင်းရေကြောင်းပို့ဆောင်ရေးဦးစီးဌာန၊ မန္တလေးမြို့ ဌာနခွဲပိုင် ရေနဂါး ၂ ဇက်ရေယာဉ်ပေါ်သို့တက်စဉ် ဇက်ရေယာဉ်၏ ရှေ့ခြေနင်းပြားထိန်းကြိုး များပြတ်တောက်သွားခဲ့ပြီး ဇက်ရေယာဉ်မှာ မြစ်ဘက်သို့ ကန်ထွက်သွားသဖြင့် နောက်သို့လျောကျ နစ်မြုပ်သွားခဲ့ကြောင်း သိရသည်။ အဆိုပါ နစ်မြုပ်ခဲ့သည့် မော်တော်ယာဉ်ထဲတွင် လှိုင်သာယာမြို့နယ်နေသူ ယာဉ်မောင်း ကိုကယားကြီး (ခ) ကိုဝင်းအောင် ပါဝင်ပျောက်ဆုံးခဲ့ကြောင်း သိရပါတယ်။  

ယင်းဖြစ်စဉ်ကြောင့် တာဝန်ရှိသူများက နှစ်မြုပ်ပျောက်ဆုံးခဲ့သည့် မော်တော်ယာဉ်နှင့် ယာဉ်မောင်းအား ရှာဖွေမှုများ ဆောင်ရွက်ခဲ့ရာ ညနေ ၄ နာရီ ၁၅ မိနစ်တွင် ရုပ်အလောင်းကို ပြန်လည်တွေ့ရှိခဲ့ပါတယ်။ သေဆုံးခဲ့သည့် ယာဉ်မောင်းအား ရဲဆေးစာဖြင့် ရွှေလောင်းဆေးရုံသို့ ပို့ဆောင်ပြီး တိုက်နယ်ဆရာဝန် ဒေါက်တာမျိုးမင်းဇော်မှ PR အမှတ် ၅ /၂၀၁၉ ဖြင့် စစ်ဆေး ဆောင်ရွက်ခဲ့ကြောင်း သိရပါတယ်။ ယင်းသို့ မော်တော်ယာဉ်နှင့်အတူ ယာဉ်မောင်း သေဆုံးခဲ့မှုနှင့် ပတ်သက်၍ ဇက်ရေယာဉ်အား မဆင်မခြင်မောင်းနှင်သူ ရေယာဉ်အုပ် / ရေယာဉ်မောင်း၊ ကျော်စန်းအား ရွှေလောင်နယ်မြေရဲစခန်းတွင် အမှုဖွင့်အရေးယူဆောင်ရွက် ထားကြောင်း သိရပါတယ်။ ဆိုးဆိုးရွားရွားဖြစ်ပွားခဲ့တဲ့ မနေ့က ဖြစ်စဉ်ပုံရိပ်အချို့ကို ချစ်ပရိသတ်တွေအတွက် မျှဝေပေးလိုက်ပါတယ်။

source- the mirror daily