မေတ္တာငတ်နေတဲ့ မိဘမဲ့ကလေးတွေကို ပျော်ရွှင်စရာအမှတ်တရတွေ ဖန်တီးပေးခဲ့တဲ့ ရွှေပိုးအိမ်

စိတ်ထားဖြူစင်ပြီး မကြာခဏဆိုသလို အလှူလေးတွေလုပ်တတ်တဲ့ မော်ဒယ်သရုပ်ဆောင် ရွှေပိုးအိမ်တစ်ယောက် လှည်းကူးမှာရှိတဲ့ မေတ္တာမွန်ပရဟိတကျောင်းက မိဘမဲ့ကလေးတွေ ပျော်ရွှင်စေဖို့အတွက် ကစားကွင်းလိုက်ပို့ပေးခဲ့တာပဲဖြစ်ပါတယ်။ ကစားကွင်းကလည်း ကလေးတွေပျော်ရွှင်စေဖို့ရည်စူးပြီး အားလုံးကို အခမဲ့ကစားခွင့် ပေးခဲ့ပါတယ်။ ကလေးတွေကိုလည်း Volunteer Team က ကူညီစောင့်ရှောက် ပေးခဲ့ပါ တယ်။

မေတ္တာငတ်နေတဲ့ ကလေးတွေကို အခုလိုဝိုင်းဝန်းပြီးမေတ္တာထားကြတဲ့ မြင်ကွင်းလေးဟာ တကယ်ကိုကြည်နူးစရာကောင်းလွန်းပါတယ်။ ကလေးတွေနဲ့ Volunteer Team ကို အာဟာရဒါနအဖြစ် ခေါက်ဆွဲကြော်နဲ့ ကြာဇံကြော်တွေ ကျွေးမွေးလှူဒါန်းခဲ့ပါသေး တယ်။ အမြဲလိုလို လိုအပ်တဲ့နေရာလေးတွေမှာ ဖြည့်ဆည်းပေးတတ်ပြီး စိတ်ထားကောင်း တဲ့ နှလုံးသားလှသူလေးမို့ အားလုံးကအချစ်ပိုနေရသူလေးပါပဲ။

သူမရဲ့ကြည်နူးစရာအလှူပုံရိပ်လေးတွေနဲ့အတူ " ဆွမ်းစားဆောင်နှင့် ကလေးတွေ ထမင်းစားဆောင် ဆောက်လုပ်ရန်အတွက် အလှူငွေ သိန်း ၂၀၀ ကျော် လိုအပ်နေပါ တယ်ရှင် " ဆိုပြီး ထပ်မံအလှူခံပေးခဲ့ပါသေးတယ်။ ပရိသတ်ကြီးထဲက လှူချင်တဲ့သူများ ရှိရင် ကိုယ်သဒ္ဒါတတ်အားနိုင် သလောက် သွားရောက်လှူဒါန်းလိုက်ပါဦးနော်။

Photo - Shwe Poe Eain