မျက်စိဝေဒနာရှင်များအားအခမဲ့ခွဲစိတ်ကုသပေးလျှက်ရှိတဲ့ သီတဂူစက္ခဒါနဆေးရုံ

ပြည်တွင်း မျက်စိရောဂါဝေဒနာရှင်များစွာရှိနေပြီး အခမဲ့ကုသပေးလျှက်ရှိတဲ့ ဆေးခန်းတွေလည်း အတော်များများဖွင့်လှစ်ပေးလျှက်ရှိတာတွေ့ရပါတယ်။ စစ်ကိုင်းတိုင်းဒေသကြီး ကျွန်းလှမြို့သီတဂူစက္ခုဒါနဆေးရုံတွင်မျက်စိဝေဒနာရှင်များအား မေ ၁၉ ရက်မှ ၂၁ ရက်နေ့အထိအခမဲ့ခွဲစိတ်ကုပေးခဲ့ကြောင်းသိရပါတယ်။  

၎င်းမျက်စိဝေဒနာရှင်များအားခွဲစိတ်ကုသပေးရာတွင်ကျွန်းလှ၊ကန့်ဘလူ၊ကောလင်း၊တန့်ဆည်၊ ပင်လည်ဘူး၊ဝက်လက်၊ဇီးကုန်း၊ခင်ဦး၊ရေဦး၊ဝန်းသို၊ဖောင်းပြင်၊မိတ္တီလာမြို့နယ်များကမျက်စိဝေဒနာရှင် ၈၃၇ ဦးအားစပ်သပ်စစ်ဆေးပေးခဲ့ပြီးဖြစ်ကြောင်း သိရပါတယ်။ အဆိုပါကုသပေးခဲ့တဲ့မျက်စိဝေဒနာရှင်များအနက် ၁၆၇ ဦးကိုစစ်ကိုင်းမြို့သီတဂူဆေးရုံမျက်စိအထူးကုဆရာဝန်ကြီးများအဖွဲ့ကအောင်မြင်စွာခွဲစိတ်ကုသပေးခဲ့ကြောင်းသီတဂူသတင်းပြန်ကြားရေးဌာနမှသိရပါတယ်။ 

အဆိုပါမျက်စိခွဲစိတ်ကုသခြင်းကိုသီတဂူဗုဒ္ဓတက္ကသိုလ်အဓိပတိကျေးဇူးတော်ရှင်သီတဂူဆရာတော် ဘုရားကြီးဩဝါဒလမ်းညွှန်မှုဖြင့်အလှူရှင်များစုပေါင်းလုပ်ဆောင်ခဲ့တာဖြစ်ကြောင်း သိရပါတယ်။ ၎င်းအလှူရှင်တွေထဲမှာ စတော့ဟုမ်းငြိမ်းချမ်းရေးဆုရှင်IBECဆရာတော်ဘဒ္ဒန္တသောဘိတစီမံဆောင်ရွက်ပြီးဌာနဆိုင်ရာများ၊မြို့အကျိုးဆောင်အဖွဲ့များ၊ပရဟိတအဖွဲ့များ၊ လူမှုကူညီရေးအသင်းများ၊ ဒါယကာ ဒါယိကာမများ၊ အလှူရှင်များ၊ ဒေသခံပြည်သူများဖြင့်ပူးပေါင်းပြီးနှစ်စဉ်မျက်စိဝေဒနာရှင်များအားစမ်းသပ်ခွဲ စိတ်ကုသပေးသွားမည်ဖြစ်ကြောင်းသိရပါတယ်။

source - the Mirror daily