အင်ဒိုနီးရှားနိုင်ငံမှာ မူးယစ်ဆေးဝါးမှုနဲ့ သေဒဏ်ချမှတ်ခံလိုက်ရတဲ့ ပြင်သစ်နိုင်ငံသား ဖီလီဒေါ်ဖန်

ပြီးခဲ့တဲ့ မေလ ၂၀ ရက်နေ့မှာတော့ အင်ဒိုနီးရှားနိုင်ငံက တရားရုံးတရုံးဟာ တရားခံအမျိုးသားတစ်ဦးကို သေဒဏ်ချမှတ်ခဲ့တယ်လို့ သိရပါတယ်။

၎င်းတရားခံအမျိုးသားကတော့ အင်ဒိုနီးရှားနိုင်ငံအတွင်းမှာ မူးယစ်မှောင်ခိုမှုနဲ့ တရားစွဲဆိုခံထားရတဲ့ ပြင်သစ်နိုင်ငံသားပဲဖြစ်ပါတယ်။

သူဟာ ပြီးခဲ့တဲ့ ၂၀၁၈ခုနှစ် စက်တင်ဘာလတုန်းက ၂ ကီလိုဂရမ်ကျော်ကျော်လောက် အလေးချိန်ရှိတဲ့ မူးယစ်ဆေးဝါးတွေကို ပြင်သစ်နိုင်ငံကနေ အင်ဒိုနီးရှားနိုင်ငံ လွမ်ဘော့ကျွန်းကို မှောင်ခိုသယ်ဆောင်လာတဲ့ ဖီလီဒေါ်ဖန်ပဲဖြစ်ပါတယ်။

သူ့ရဲ့ပြစ်ဒဏ်ကိုလည်း အစိုးရရှေ့နေတွေဟာ ထောာင်ဒစ် နှစ်၂၀ သာချမှတ်ဖို့ အဆိုပြုခဲ့ကြပေမယ့် တရားသူကြီးကတော့ သေဒဏ်ချမှတ်ခဲ့တာပဲဖြစ်ပါတယ်။

အင်ဒိုနီးရှားနိုင်ငံဟာ မူးယစ်ဆန့်ကျင်ရေးဥပဒေတွေ ချမှတ်တဲ့နေရာမှာ နာမည်ဆိုးနဲ့ ကျော်ကြားတဲ့ နိုင်ငံတနိုင်ငံဆိုပေမယ့် ဒေါ်ဖန်ရဲ့ ရှေ့နေ့ကတော့ သေဒဏ်ကနေ ကင်းလွတ်ခွင့်ရအောင် အသနားခံစာတင်သွားဦးမယ်လို့ သိရပါတယ်။

Source- The Inedpendent