လူမှုကွန်ယက်မှာနာမည်ကြီးနေတဲ့ ပျင်းစရာကောင်းတဲ့ ရန်ကုန်သင်္ကြန်ကို ပျော်ရွှင်ဖွယ်ဖြစ်အောင်လုပ်ပေးခဲ့သူတစ်ဦး

ပျင်းရိခြောက်ကပ်လွန်းတယ်လို့ ဝေဖန်ခံနေရပေမယ့် သူ့ကိုကြည့်ပြီး လူတိုင်းပျော်ခဲ့တာတော့အမှန်ပဲ။ သင်္ကြန်အကြိုနေ့မနက်ပိုင်းက မြို့တော်ဝန်မဏ္ဍပ်မှာ ဖျော်ဖြေပွဲတစ်ချို့အပြီး ခြောက်ကပ်ကပ်ဖြစ်တယ်လို့ ဝေဖန်ခံခဲ့ရပေမယ့် ဒီလူကြောင့် မြို့တော်ဝန်မဏ္ဍပ်ရှေ့ ခဏတာ စည်ကားခဲ့တာအမှန်ပါပဲ။

လူမှုကွန်ယက်မှာပျံ့နေတဲ့ Duwun သတင်းဌာနကနေ တင်ခဲ့တဲ့ အဆိုပါ Video မှာတော့ ထိုသူဟာ သီချင်းသံစဉ်နဲ့အညီ မြန်မာအကကော၊ အနောက်တိုင်းအက၊ နောက်ပြန်ဂျွမ်းပစ်တာထိပါ ကပြဖျော်ဖြေနေတာကိုတွေ့ရမှာပါ။

အဆိုပါလူကို လူများက ဓာတ်ပုံဝိုင်းရိုက်ကြပြီး အချို့သူတွေက သဘောကျကာငွေသားစုချီးမြှင့်ခဲ့တာကိုတွေ့ရပါတယ်။ တစ်ချို့တွေကလဲ အဆိုပါလူမှာ အရင်တုန်းကလဲ ဒီလိုလူကြားထဲမှာ ကပြဖျော်ဖြေဖူးတာတွေဖြစ်ကြောင်း ဝေမျှပြောဆိုခဲ့ပါတယ်။

Source : Duwun