သင်္ကြန်ကို ပုံစံမျိုးနဲ့ အနုပညာရှင်တွေဖြတ်သန်းနေကြသလို Myanmar Idol Winner သားငယ်ကတော့ ရန်ကုန်မှာ တစ်ရက် မန္တလေးမှာ တစ်ရက် သင်္ကြန်ကျမယ့်ပုံပါပဲ။

Winner ဆုရှင် သားငယ် အပါအဝင် တခြားသော Myanmar Idol အဆိုရှင် အဖွဲ့ဝင်တွေနဲ့ အဆိုတော် တင်ဇာမော် ၊ ထွန်းထွန်း ၊ဂွမ်းပုံ ၊ အမွန်း ၊ စည်ဖြိုး စတဲ့ အနုပညာရှင်အချို့ကတော့ သင်္ကြန်အကြိုနေ့ကို Sky Net က MNTV မဏ္ဍပ်မှာ ပျော်ပျော်ပါးပါး ဖျော်ဖြေနေကြတယ်လို့ သိရပါတယ်။

ပရိသတ်တွေအချစ်တော် အချစ်တုန်းကြီးကတော့ သင်္ကြန်မတိုင်ခင် ဧပြီလ(၁၀)ရက်က သူ့ရဲ့ရှင်ပြုအလှုပွဲမှာ ပါရမီဖြည့်ဘက်ဇနီးလေးနဲ့ အတူ ကုသိုလ်လည်းယူ ၀ါးတီးလည်း ဆွဲရင်း ဖြတ်သန်းခဲ့ပါတယ်တဲ့။

ရိုးသားဖြူစင်တဲ့ သားငယ်တို့ စုံတွဲ လိုက်ဖက်ညီပုံကတော့ ခန္ဓာကိုယ်အရွယ်အစားလည်းတူ စိတ်တူကိုယ်တူ နဲ့ နှစ်ယောက်လုံးက အစားတစ်လိုင်းမို့ အားကျစရာကြီးနော်။

သားငယ်ရဲ့ ပရိသတ်အချို့ကတော့ အားကျနေကြသလို အချို့ကလည်း သားငယ်တင်ထားတဲ့ ရှင်ပြုအလှုဆိုတဲ့ ပို့စ်အောက်မှာ ၀ိတ်ချဖို့ တိုက်တွန်းနေကြပါတယ်။

သင်္ကြန်ရက်တွေမှာတော့ သားငယ်က အကြိုနေ့ကို ရန်ကုန်က (၁၉)လမ်းမဏ္ဍပ်မှာရှိမှာဖြစ်ပြီး အားလုံးကို လာခဲ့ဖို့ဖိတ်ထားပါတယ်နော်။

သူဟာ မနက်ဖြန် အကျနေ့တစ်ရက် မန္တလေးမြို့တော်ဝန်မှာ ဖျော်ဖြေမှာဖြစ်ပြီး အကြတ်နေ့နဲ့ အတက်နေ့ကတော့ ရန်ကုန်(၁၉)လမ်းမှာပဲရှိမယ်လို့ သိရပါတယ်။

သားငယ်တို့ ဇနီးမောင်နှံကို အားမကျဘူးလား ပရိသတ်ကြီးရေ။  

သတင်းအရင်းမြစ် TharNge

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။