ဆိုးဆိုးရွားယာဉ်တိုက်မှုဖြစ်ပွားခဲ့တဲ့ တွဲကားနဲ့ ၁၂ဘီးယာဉ်တိုက်မှု

ပြည်တွင်း အမြဲလိုလိုကြားနေရတဲ့ သတင်းတွေထဲမှာ ယာဉ်တိုက်မှုတွေကတော့ များစွာပါဝင်နေတာအားလုံးလည်း သိကြမယ်ထင်ပါတယ်။ ယာဉ်မောင်းသူများရဲ့ စည်းကမ်းမဲ့မောင်းနှင်မှုတွေနဲ့အတူ သဘာဝဘေးအန္တရယ်တွေကြောင့် တိမ်းမှောက်မှုပိုမိုများပြားနေပြီး သေဆုံးသူတွေနဲ့အတူ ဒဏ်ရာရရှိမှုတွေကတော့ မရေမတွက်နိုင်အောင်များပြားလျှက်ရှိတာတွေ့ရပါတယ်။    

ဇွန်လ ၇ရက်နေ့ ဒီကနေ့ မှာလည်း ရန်ကုန်တိုင်းဒေသကြီးအတွင်းဆိုးရွားတဲ့ ယာဉ်တိုက်မှုတစ်ခုဖြစ်ပွားခဲ့ကြောင်းသိရပါတယ်။ အဆိုပါ ယာဉ်တိုက်မှုကတော့ မှော်ဘီ ၄ရပ်ကွက် ဗလီနှင့်ရုပ်ရှင်ရုံဟောင်းကြားမှာဖြစ်ပွားခဲ့တာဖြစ်ပြီး ထိခိုက်ဒဏ်ရာရရှိသူများစွာရှိခဲ့ကြောင်းသိရပါတယ်။ ဖြစ်စဉ်နဲ့ပတ်သက်ပြီး "တိုက်ကြီးဘက်မှ ကုန်များတင်ဆောင်မောင်းနှင်လာသော ၁၂ဘီးယာဉ်သည် အရှိန်ဖြင့် ဘရိတ်ပေါက်ပြီး တဘက်ယာဉ်ကြောရှိ ရန်ကုန်ဘက်မှမောင်းနှင်လာသော ၂၂ဘီးတွဲ ကုန်တင်ခါး၏ ဘေးသို့ ဖြတ်တိုက်ခြင်းဖြစ်ကြောင်း" မျက်မြင်သက်သေတစ်ဦးရဲ့ ပြောကြားချက်အရသိရပါတယ်။  

ယာဉ်တိုက်မှုကြောင့် ရန်ကုန်ဘက်ဆပ်ပလိုင်းမှတ်တိုင်မှစ၍ လမ်းပိတ်ဆို့ခဲ့ရပြီး တိုက်ကြီးဘက်ဘုရားကြီးကွေ့အကျော်ထိပိတ်ဆို့ခဲ့ရကြောင်းသိရပါတယ်။ ယာဉ်တိုက်မှုကြောင့် လူသေဆုံးမှုမရှိသေးပေမယ့် ဆိုးရိမ်လူနာများရှိနေကြောင်း သိရပါတယ်။ ဆိုးဆိုးရွားရွားဖြစ်ပွားခဲ့တဲ့ ဒီကနေ့ တွဲကားနှင့် ၁၂ဘီး ယာဉ်တိုက်မှုပုံရိပ်အချို့ကို မျှဝေပေးလိုက်ပါတယ်။

photos - San Min Tun