တပ်မတော်ကာကွယ်ရေးဦးစီးချုပ်ကိုယ်တိုင် တတ်ရောက်အားပေးပြီး ဆုကြေးငွေများချီးမြှင့်ခဲ့တဲ့ ရှမ်းအသင်းနဲ့ချင်းလန်းအသင်းတို့ရဲ့ပွဲစဉ်

MPT Myanmar National League 2019 အမှတ်ပေးဘောလုံးပြိုင်ပွဲ၏ ပွဲစဉ်(၁၂)အဖြစ် ရှမ်းယူနိူက်တက်အသင်းနှင့်ချင်းလန်းအသင်းတို့ ယနေ့ညနေ(၃:၃၀)နာရီတွင် ရှမ်းယူနိုက်တက်အိမ်ကွင်းဖြစ်သည့် တောင်ကြီးမြို့ရှိပြည်နယ်အားကစားကွင်း၌ကျင်းပခဲ့ရာ တပ်မတော်ကာကွယ်ရေးဦးစီးချုပ်ဗိုလ်ချုပ်မှုးကြီး မင်းအောင်လှိုင်တက်ရောက်အားပေးကြည့်ရှုပြီး ပွဲအပြီးတွင် ပြိုင်ပွဲဝင်နှစ်သင်းစလုံးအား ဆုကြေးငွေများချီးမြှင့်ပေးအပ်ခဲ့ပါတယ်။

ယနေ့ ဘောလုံးပွဲသို့ ရှမ်းပြည်နယ်အစိုးရအဖွဲ့ဝန်ကြီးချုပ်ဒေါက်တာလင်းထွဋ်နှင့် ပြည်နယ်အစိုးရအဖွဲ့ဝင်ဝန်ကြီးများ၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီးတင်အောင်ဆန်း၊ ကာကွယ်ရေးဦးစီးချုပ်(လေ)ဗိုလ်ချုပ်ကြီးမောင်မောင်ကျော်၊ စစ်ရေးချုပ်ဒုတိယဗိုလ်ချုပ်ကြီးဆန်းဦး၊ စစ်ထောက်ချုပ်ဒုတိယဗိုလ်ချုပ်ကြီးညိုစောနှင့်တပ်မတော်အရာရှိကြီးများ၊ အရှေ့ပိုင်းတိုင်းစစ်ဌာနချုပ်တိုင်းမှူးနှင့် ဌာနဆိုင်ရာအကြီးအကဲများ၊ ရှမ်းယူနိူက်တက်အသင်းဥက္ကဌဦးခွန်နောင်မြင့်ဝေနှင့် နှစ်ဘက်အသင်းမှ တာဝန်ရှိသူများ၊ မြန်မာနေရှင်နယ်လိဂ်အမှုဆောငိအရာရှိချုပ်နှင့်တာဝန်ရှိသူများ၊ ရှမ်းပြည်နယ်ဘောလုံးအဖွဲ့ချုပ်ဒုဥက္ကဌနှင့်အမှုဆောင်အဖွဲ့ဝင်များ၊ ရှမ်းပြည်နယ်လက်ရွေးစင်ဘောလုံးသမားဟောင်းများ၊ ရှမ်းယူနိုက်တက်ဘောလုံးပရိသတ်များကွင်းလုံးပြည့်တက်ရောက်အားပေးခဲ့ကြပါတယ်။

ပွဲအပြီးမှာ တစ်ဖက်တစ်ဂိုးစီသရေကျခဲ့ပြီး နှစ်သင်းစလုံးအား တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်က ဆုကြေးငွေကျပ်(၁၅)သိန်းစီအား ချီးမြှင့်ပေးအပ်ခဲ့ပါတယ်။

source: myanmar national league